Iifüehrig i Teil 2
Werum het Jehova d Welt vo dazumal mitere Fluet zerstört? Scho früeh i de Gschicht vo de Mensche fangt en Kampf a. De Kampf zwüsche em Guete und em Böse. Es git Mensche wie de Adam, d Eva und ihre Sohn de Kain, wo sich für di bösi Siite entscheided. Nur es paar wenigi wie de Abel und de Noah wähled di gueti Siite. Irgendeinisch sind di meischte Mensche eso schlecht, dass Jehova die bösi Welt vernichtet. De Teil 2 hilft üs z verstah, dass Jehova gseht, für weli Siite mir üs entscheided. Und er wird nie zuelaa, dass s Böse s Guete besiigt.
IN DIESER RUBRIK
GSCHICHT 3
De Adam und d Eva losed nid uf Gott
Was isch a eim Baum im Garte Eden so bsundrigs? Werum isst d Eva d Frucht vo dem Baum?
GSCHICHT 4
Verruckt sii isch gfährlich
Gott het am Opfer vom Abel Freud, aber a dem vom Kain nid. Das macht de Kain sehr verruckt und er macht öppis Schlimms.
GSCHICHT 5
D Arche Noah
Bösi Engel chömmed uf d Erde abe und hürated. Mit ihrne Fraue chömmed si Söhn über, wo brutali Riise werded. Überall isch Gwalt. Aber de Noah isch andersch: Er het Gott sehr gern und lost uf ihn.
GSCHICHT 6
Acht Mensche werded grettet
Es regnet 40 Täg und 40 Nächt. De Noah und sini Familie sind meh als eis Jahr i de Arche. Nachher chönnd si endlich usegah.
