Introduksion sa Seksion 2
Ngaa ginpahanabo ni Jehova ang baha nga naglaglag sa duta sadto nga tion? Sa tapos gintuga ang tawo, may inaway nga natabo—ang inaway sang maayo kontra sa malain. Ang pila ka tawo pareho nanday Adan, Eva, kag sang ila bata nga si Cain nagdampig sa malain. Pero ang iban, pareho nanday Abel kag Noe, nagdampig sa maayo. Ang kalabanan nga tawo nangin malain gid amo nga ginlaglag sila ni Jehova. Ini nga seksion magabulig sa aton nga mahibaluan nga makita ni Jehova kon diin kita nagadampig kag indi gid sia magpasugot nga madaug sang malain ang maayo.
SA SINI NGA SEKSION
LEKSION 3
Wala Gintuman ni Adan kag ni Eva ang Dios
Ngaa lain gid ang isa ka kahoy sa hardin sang Eden? Ngaa ginkaon ni Eva ang bunga sina nga kahoy?
LEKSION 4
Nakapatay Sia Bangod sa Kaakig
Ginbaton sang Dios ang halad ni Abel pero kay Cain wala. Sang nabal-an ini ni Cain, naakig gid sia amo nga nakahimo sia sing daku nga sala.
LEKSION 5
Ang Arka ni Noe
Sang ginpangasawa sang malain nga mga anghel ang mga babayi sa duta, ang ila mga bata nangin mga higante nga nagapang-away. Grabe na gid ang kapintas. Pero indi pareho sa ila si Noe—palangga niya kag ginatuman ang Dios.
LEKSION 6
Walo ka Tawo ang Naluwas
Nag-ulan sing 40 ka adlaw kag 40 ka gab-i amo nga natabo ang Baha. Sobra isa ka tuig si Noe kag ang iya pamilya sa sulod sang arka. Sang ulihi, puede na sila makagua.
