Fikieme Jihova ọ rọ rehọ ame raha akpọ oke yena? Nọ Ọghẹnẹ ọ nwane ma ahwo-akpọ no, oware jọ o tẹ via nọ o jọ gwọlọ nọ ahwo-akpọ a rẹ salọ sọ a re ru oware uwoma hayo uyoma. Ahwo wọhọ Adamu, Ivi, gbe ọmọ rai nọ a re se Keni a salọ abọ oyoma. Umutho ahwo jọ wọhọ Ebẹle avọ Noa a tẹ salọ abọ owoma. Ahwo buobu a je ru eware iyoma te epanọ Jihova ọ rọ raha akpọ omuomu yena. Abọ nana obe na o ti fiobọhọ kẹ omai riẹ nọ Jihova ọ riẹ abọ nọ ma rrọ, yọ ọ te kuvẹ re eyoma o fi ewoma kparobọ họ.