Pang 2 Hpe Shachyen Ai Lam
Yehowa gaw dai aten hta, ginding aga hpe hka sha-u ing nna jahten kau na matu hpa majaw galaw wa ai kun? Shawng nnan na shinggyim labau hta, kaja ai hte n kaja ai lapran byin ai lam langai hte nnan hpang da ai. Adam, Ewa hte shan a kasha Ka-in zawn re ai masha nkau mi gaw, n kaja ai lam hpe lata wa ma ai. Abela hte Noa zawn re ai masha kachyi mi gaw, kaja ai hpe lata wa ma ai. Masha law malawng gaw grai n hkru wa ai majaw, n hkru ai mungkan hpe Yehowa jahten kau ai. Yehowa gaw anhte gara mahtang lata ai hpe mu ai lam hte, n kaja ai gaw kaja ai hpe awng dang na matu, galoi mung shi ahkang n jaw ai lam hpe ndai daw kaw nna anhte chye lu na re.
Ndai Pang Hta Lawm Ai Ni
DAW 3
Karai Kasang A Ga Hpe Adam Yan Ewa N Madat
Edin sun hta nga ai hpun langai hta hpa laklai ai lam nga ai kun? Ewa hpa majaw dai hpun kaw na namsi hpe sha kau ai kun?
DAW 4
Masin Pawt Ai Kaw Nna Masha Sat Wa
Karai Kasang gaw Abela a shagu hkungga hpe hkap la tim, Ka-in a shagu hkungga hpe gaw n hkap la ai. Dai hpe Ka-in chye mat ai shaloi grai masin pawt nna grai hkrit hpa amu hpe galaw wa ai.
DAW 5
Noa Sanghpaw Li
Lamu kasa ni shinggyim numsha ni hte hkungran na matu mungkan ga de yu wa ai shaloi, shanhte hta shadang sha ni lu wa nna dai kasha ni gaw kaga masha ni hpe dang sha ma ai. N hkru ai lam ni gaw shara shagu hta byin ai. Raitim, Noa gaw dai zawn n re—shi gaw Karai Kasang hpe tsawra nna madat mara ai.
DAW 6
Asak Lawt Wa Ai Marai Matsat
Marang gaw shani 40 ya, shana 40 na htu ai majaw hka sha-u ing wa. Noa hte shi a nta masha ni gaw laning mi jan hkra sanghpaw li hta arau nga. Hpang jahtum hta, Karai Kasang gaw pru mai sai ngu tsun ai.
