Maelesyo ma Kĩlungu kya 2
Nĩkĩ Yeova wauisye mbua mbingĩ yaananga nthĩ ya ĩvinda ya tene? Ĩvindanĩ yĩu ya tene, Satani nĩwambĩĩie ũlei na atuma andũ angĩ mambĩĩa kũmũlea Yeova na kwĩka maũndũ mathũku. Amwe katĩ wa asu maĩ Atamu, Eva, na mwana woo, Kaini. Ĩndĩ ve andũ anini manyuvĩte kwĩka ũseo. Amwe nĩ ta Aveli na Noa. Ĩvindanĩ yĩu andũ aingĩ maĩ manathũka vyũ nginya Yeova akatwʼa kwananga nthĩ ĩsu yaĩ nthũku. Kĩlungu kĩĩ nĩkĩũtũtetheesya kũmanya kana Yeova nĩwonaa ethĩwa twĩenda kwĩka ũseo, kana nĩ ũthũku na kana we ndesa kũeka ũthũku ũendeee tene na tene.
KĨLUNGUNĨ KĨĨ
ĨSOMO YA 3
Atamu na Eva Nĩmaleile Kũmwĩwʼa Ngai
Mũtĩ ũmwe waĩ kĩvathũkanyʼo ata na mĩtĩ ĩla ĩngĩ yonthe mũũndanĩ wa Eteni? Nĩkĩ Eva waĩye matunda ma mũtĩ ũsu?
ĨSOMO YA 4
Kũthata Nĩkwatumie Mũndũ Oaa Ũngĩ
Ngai nĩweetĩkĩlile nthembo ya Aveli, ĩndĩ alea ya Kaini. Kaini amanya ũndũ ũsu athatie mũno, na nũndũ wa ũu, eeka ũndũ mũthũku mũno.
ĨSOMO YA 5
Ngalawa ya Noa
Yĩla alaĩka maumie ĩtunĩ mooka kũũ nthĩ na matwaa aka, nĩmasyaie syana syatwʼĩkie mamũndũ manene mathĩnasya andũ mũno. Ũngʼendu nĩwausũie ĩũlũ wa nthĩ. Ĩndĩ Noa aĩ kĩvathũkanyʼo, nĩwamwendete Ngai na nĩwamwĩwʼaa.
ĨSOMO YA 6
Andũ Nyanya Nĩmasũvĩiwe Maikanangwe
Mbua ya ĩvinda ya Noa yauie vandũ va matukũ 40, ĩyua ũtukũ na mũthenya, na ĩndĩ yaeka kua. Noa na andũ make maĩ mekalĩte ngalawanĩ mbee wa mwaka mũima. Ĩtina wa vau, Ngai nĩwameie maume ngalawanĩ.
