Kʼaʼut li Yos kixsach rikʼin Bʼutʼihaʼ li najter ruuchichʼochʼ? Chalen naq kiyobʼtesiik li winq, kitiklaak chaq jun li yalok: kiʼok chi yalok li us rikʼin li maaʼusilal. Wankebʼ li poyanam, joʼ laj Adan, li xʼEva ut laj Cain li xyum, keʼxsikʼ wank saʼ li maaʼusilal. Abʼan wiibʼ oxibʼ ajwiʼ keʼxsikʼ li us, joʼ laj Abel ut laj Noe. Li xkʼihalil li poyanam kinumtaak xmaaʼusilal joʼkan naq li Jehobʼa kixsach ebʼ li poyanam li maaʼusebʼ xnaʼlebʼ. Saʼ li tasal aʼin, tqatzol naq li Jehobʼa naril chirix ani wanko ut naq aʼan maajunwa tixkanabʼ naq li maaʼusilal tixqʼax li us.