Bangogo ya Luyantiku ya Kitini 2
Sambu na nki Yehowa nokisaka mvula ya ngolo sambu na kufwa nsi-ntoto ya ntangu yina? Na luyantiku ya disolo ya bantu, bitumba yantikaka—bitumba na kati ya mambu ya mbote mpi mambu ya mbi. Bantu ya nkaka, mu mbandu Adami, Eva, mpi mwana na bo Kaini, ponaka simu ya mambu ya mbi. Bantu fioti, mu mbandu Abele ti Noa, ponaka simu ya mambu ya mbote. Bantu mingi kumaka bantu ya mbi yo yina Yehowa sukisaka nsi-ntoto yina ya mbi. Kitini yai ta sadisa beto na kulonguka nde Yehowa ke monaka simu yina beto ke ponaka mpi nde yandi ta bika ve ata fioti nde mambu ya mbi kununga mambu ya mbote.
NA KITINI YAI
Adami ti Eva Kolamaka na Nzambi
Nki nti ya bo buyisaka yina vandaka na kilanga ya Edeni? Sambu na nki Eva diaka dimbuma na yo?
Yandi Me Fwa Muntu Sambu na Makasi
Nzambi ndimaka makabu ya Abele kansi ya Kaini ve. Ntangu Kaini zabaka yo, yandi waka makasi mingi mpi yandi salaka diambu mosi ya mbi mingi.
Maswa ya Noa
Ntangu bawanzio ya mbi kwelaka bankento awa na ntoto, bo butaka bana ya nda mpi ya ngolo yina vandaka kusosila bantu. Mubulu vandaka bisika yonso. Kansi Noa vandaka ya kuswaswana ti bo—yandi vandaka kuzola Nzambi mpi vandaka kulemfukila yandi.
Bantu Nana Kotaka na Ntoto ya Mpa
Mvula ya ngolo nokaka bilumbu 40 mpi bampimpa 40. Na kimvuka, Noa ti dibuta na yandi salaka mvula mosi ti ndambu na kati ya maswa. Nsuka-nsuka bo basikaka.
