Etwalemo lOshitukulwa 2
Omolwashike Jehova a li a eta eyelu olo la li la hanauna po ounyuni aushe pefimbo lonale? Pehovelo londjokonona yovanhu, ovanhu vamwe ova li va hoolola okulonga ouwa ofimbo vamwe okulonga owii. Adam, Eva nomonamati wavo Kain, ova li va hoolola okulonga owii. Vamwe, ngaashi Abel naNoa, ova li va hoolola okulonga ouwa. Ovanhu vahapu ova li va longa owii, nomolwaasho Jehova a li a tokola a xulife po ounyuni wovakolokoshi. Oshitukulwa eshi otashi ke tu kwafela tu lihonge kutya Jehova oku wete kutya otwa hoolola okulonga ouwa noita ka efa owii u finde ouwa.
MOSHITUKULWA ESHI
Adam naEva kava li va dulika kuKalunga
Oshike sha li she likalekelwa shi na sha nomuti umwe moshikunino shaEden? Omolwashike Eva a li a lya oshiimati shao?
Kain okwa dipaa Abel omolwehandu
Kalunga okwa li a tambula ko eyambo laAbel, ndele ina tambula ko laKain. Eshi Kain e shi didilika mo, okwa li a handuka neenghono ndele ta ningi oshinima shii neenghono.
Onguluwato yaNoa
Eshi ovaengeli ovo ihava dulika va li va hombola ovakainhu kombada yedu, ova li va dala ounona voumati ovo va li va ninga ovatongolume hava hepeke ovanhu. Elongifo leenghono ola li keshe pamwe. Ashike Noa okwa li a yooloka ko kovanhu molwaashi okwa li e hole Kalunga noha dulika kuye.
Ovanhu vahetatu ova li va xupa pEyelu ndele tava i mounyuni mupe
Pefimbo lEyelu, odula oya loka omafiku 40, oufiku nomutenya. Noa novaneumbo laye ova kala monguluwato oule wodula nasha. Hauxuuninwa, ova li va dula okudja mo.
