Biji mu Kipungu 2
Mambo ka Yehoba o aletejile muyulo ne konauna bantu pa kyo kya kimye? Mambo pa kyo kya kimye kwajingatu bantu bacheche baubilenga byawama. Bantu nabiji Adama, Evwa ne mwanabo Kaina basajilepo kuba byatama. Bino Abela ne Nowa bafukwilepo kuba byawama. Bantu bavula baubilenga bintu byatama bingi, na mambo a byo baubilenga Yehoba wafukwile kwibonauna. Kino kipungu kisakwitukwasha kuyuka’mba Yehoba umona bintu byonse byo tufuukula kabiji kechi ukaswisha bubi kushinda byubilo byawama ne.
BIJI MU KINO KIPUNGU
Adama ne Evwa Basatukijile Lesa
Mambo ka kichi kyajinga mu bujimi bwa Edena o kyanemejile?
Bukaji Bwamulengejile Kwipaya Nkasanji
Lesa waswile mulambo wa kwa Abela. Mulambo wa kwa Kaina wamukaine. Kaina byo ayukile wazhingijile bingi kya kuba kyamulengejile ne kuba kintu kyatama bingi.
Bwato bwa kwa Nowa
Bamalaika byo basongwele banabakazhi, basemene baana biyangala. Bukapondo bwakumbenetu konse. Bino Nowa wapuseneko bingi—watemenwe Lesa kabiji wamukokelanga.
Bantu Batanu na Basatu Bapulukile ne Kwikala mu Ntanda Yawama
Mvula wanokele moba 40 mute ne bufuku. Nowa ne kisemi kyanji baikele mu bwato mwaka umo. Kepo Lesa ebabujile amba balupuke.
