Smɔl Tin bɔt Sɛkshɔn 2
Wetin mek Jiova bin mek ebi ren kam we bin dɔnawe wit ɔl di bad pipul dɛn na di wɔl trade trade? We Jiova bin jɔs mek mɔtalman, wan fɛt bin bigin bitwin fɔ du gud ɛn fɔ du bad. Sɔm pipul dɛn lɛk Adam, Iv, ɛn dɛn bɔypikin Ken bin disayd fɔ du bad. Tu-tri pipul dɛn lɛk Ebɛl ɛn Noa bin disayd fɔ du gud. Bɔku pipul dɛn bin de du bad bad tin dɛn, ɛn dat bin mek Jiova dɔnawe wit da wikɛd wɔl de. Dis sɛkshɔn go ɛp wi fɔ lan se Jiova de si wetin wi disayd fɔ du, ɛn i nɔ go ɛva alaw bad fɔ win gud.
INSAY DIS SƐKSHƆN
LƐSIN 3
Adam ɛn Iv Nɔ Bin Obe Gɔd
Wetin bin spɛshal bɔt wan patikyula tik we bin de midul di gadin na Idɛn? Wetin mek Iv bin it in frut dɛn?
LƐSIN 4
Vɛksteshɔn Mek I Kil
Gɔd bin tek Ebɛl in sakrifays, bɔt in nɔ bin tek Ken in yon. We Ken bin kam fɔ no, i bin rili vɛks ɛn i bin du sɔntin we rili bad.
LƐSIN 5
Di Ak we Noa Bil
We bad enjɛl dɛn mared uman dɛn na di wɔl, dɛn bin bɔn bɔypikin dɛn we na bin jayant dɛn we bin de tek advantej pan pipul dɛn. Fɛt-fɛt bin de ɔlsay. Bɔt Noa bin difrɛn bikɔs i bin lɛk ɛn obe Gɔd.
LƐSIN 6
Na Et Pipul dɛn Bin Sev
Di Ebi Ebi Ren bin kam fɔ 40 dez ɛn 40 nɛt. Noa ɛn in famili bin de insay di ak pas wan ia. Faynali, dɛn bin ebul fɔ go na do.
