တၢ်ကတိၤအိးထီၣ် အတၢ်နီၤဖး ၂
ဖဲစီၤနိအၤအစိၤန့ၣ် ဘၣ်မနုၤအဃိ ယဟိဝၤယွၤသ့စီကွံာ်ဟီၣ်ခိၣ်လၢထံလဲၣ်. ကစၢ်ယွၤတ့လီၤဝဲ ပှၤဟီၣ်ခိၣ်ဖိ ပူၤကွံာ်တယံာ်တမီၢ်အလီၢ်ခံန့ၣ် တၢ်အၢတၢ်သီဟဲအိၣ်ထီၣ်ဝဲလီၤ. ပှၤတနီၤဒ်သိးဒီး စီၤအၤဒၣ်, နီၢ်အံၣ်အု ဒီးအဖိခွါစီၤကၤယံၣ်န့ၣ် ဃုထၢဝဲလၢကမၤတၢ်အၢလီၤ. ဘၣ်ဆၣ် ပှၤစှၤဂၤဒ်သိးဒီး စီၤဟ့းဘ့းလး ဒီးစီၤနိအၤန့ၣ် ဃုထၢဝဲလၢ ကမၤတၢ်ဂ့ၤလီၤ. လၢခံန့ၣ် ပှၤအါတက့ၢ်မၤဝဲတၢ်အၢတၢ်သီအဃိ ယဟိဝၤယွၤမၤဟးဂီၤကွံာ်အဝဲသ့ၣ်လီၤ. ပကဃုထၢလၢပကမၤတၢ်ဂ့ၤဧါ မ့တမ့ၢ် မၤတၢ်အၢဧါန့ၣ် ယဟိဝၤယွၤထံၣ်ဝဲလီၤ. ဒီးယဟိဝၤယွၤတပျဲဝဲလၢ တၢ်အၢကမၤနၢၤကွံာ်တၢ်ဂ့ၤဘၣ်. တၢ်မၤလိအံၤကမၤစၢၤပှၤလၢ ပကသ့ၣ်ညါနၢ်ပၢၢ်ထီၣ် တၢ်ဂ့ၢ်လၢထးတဖၣ်အံၤလီၤ.
တၢ်ဂ့ၢ်လၢလာ်တဖၣ်
တၢ်မၤလိ ၃
နီၢ်အံၣ်အုဒီးစီၤအၤဒၣ် တဒိကနၣ်ကစၢ်ယွၤအကလုၢ်ဘၣ်
သ့ၣ်လီၤဆီတခိၣ် လၢဧ့ၤဒ့ၣ်တၤသၣ်လီၢ်အပူၤန့ၣ် ကိးဝဲအမံၤဒ်လဲၣ်. ဘၣ်မနုၤအဃိ နီၢ်အံၣ်အုအီၣ်ဝဲသ့ၣ်သၣ်အံၤလဲၣ်.
တၢ်မၤလိ ၄
သးထီၣ်တၢ်ဖးဒိၣ်အဃိ မၤသံဘၣ်တၢ်
ကစၢ်ယွၤတူၢ်လိာ်စီၤဟ့းဘ့းလး အတၢ်ဟ့ၣ်လုၢ်ထီၣ် ဘၣ်ဆၣ် ကစၢ်ယွၤတတူၢ်လိာ် စီၤကၤယံၣ်အတၢ်ဟ့ၣ်လုၢ်ထီၣ်ဘၣ်. ဖဲစီၤကၤယံၣ်သ့ၣ်ညါဝဲလၢ ကစၢ်ယွၤတူၢ်လိာ်စီၤဟ့းဘ့းလး အတၢ်ဟ့ၣ်လုၢ်ထီၣ်အခါ အဝဲသးထီၣ်တၢ်ဖးဒိၣ်ဒီးမၤဘၣ်တၢ်အၢတၢ်သီတခါလီၤ.
တၢ်မၤလိ ၅
စီၤနိအၤတ့ထီၣ်ကဘီ
မူခိၣ်ကလူးတဖၣ်ဟဲလီၤဟံးန့ၢ်အမါလၢ ဟီၣ်ခိၣ်ချၢဒီးအဝဲသ့ၣ်အဖိန့ၣ် အနီၢ်ဖးဒိၣ်ဒီးမၤနၢၤအီၣ်ပှၤဂၤ. တၢ်မၤဆူၣ်မၤစိးအိၣ်ဝဲကိးပူၤဒဲးလီၤ. ဘၣ်ဆၣ် စီၤနိအၤမ့ၢ်ပှၤလၢ အအဲၣ်ကစၢ်ယွၤဒီးဒိကနၣ်အကလုၢ်လီၤ.
တၢ်မၤလိ ၆
ပှၤဃိးဂၤပူၤဖျဲးအဂ့ၢ်
မူခိၣ်စူၤလီၤအနံၤ ၄၀ အနၤ ၄၀ လီၤ. စီၤနိအၤဒီးအဟံၣ်ဖိဃီဖိအိၣ်လၢကဘီပူၤ ယံာ်ဝဲတနံၣ်ဘျဲၣ်လီၤ. လၢခံအဝဲသ့ၣ်ဟးထီၣ်လၢ ကဘီချၢလီၤ.