Etwaromo lyoruha 2
Morwasinke Jehova ga zonagwilire po vantu womosiruwo saNowa? Konyima zesito lyovantu, vantu kwa tamekere kuhorowora pokatji keyi yoyiwa neyi yoyidona. Adamu naEva namunwawo Kaini, awo kwa horowere po yoyidona. Ano vamwe ngwendi Abeli naNowa, kwa horowere po yoyiwa. Sinzi sovantu kwa ya donapere unene yiyo Jehova ga va zonagwilire po noruhanzo. Ruha oru ngaru tu vatera tu dive asi Jehova ga diva oku twa hamena ntani asi kapi nga pulisira udona u lihanene napenye.
MORUHA ORU
SIRONGWA 3
Adamu naEva kapi va limburukwire Karunga
Sitji simwe somosikunino saEdeni, ngapi omu sa lisigire noyikwawo? Morwasinke Eva ga lililire enyango?
SIRONGWA 4
Ehandu kwa twaredesere kokudipaga
Jehova kwa haferere nzambo zaAbeli, nye zaKaini kapi ga zi haferere. Eyi kwa handukisire Kaini, makura ta dipaga mumbyendi.
SIRONGWA 5
Emuwato lyaNowa
Apa vaengeli wovadona va ya kwere vakadi apa pevhu, vana vawo kwa kere nononkondo ntani nyanya. Nyanya kwa kere nakunye. Nye Nowa kwa lisigire novakwawo, age kwa here Karunga nokumulimburukwa.
SIRONGWA 6
Vantu ntantatu va parukire ruhanzo
Mvhura kwa rokere mazuva 40 mutenya nomasiku. Nowa nepata lyendi kwa kere memuwato kupitakana mvhura zimwe. Konyima, Karunga tava tantere va pwage mo.
