Ntwelelo ya Kipindi 2
Mwanda waka Yehova wāletele dilobe dyāonakenye ntanda ya pa kala? Tamba ku ngalwilo kwa mānga ya muzo wa muntu, kudi bulwi—bulwi pa bukata bwa biyampe ne bibi. Bantu bamo, kimfwa Adama, Eva, ne wabo mwana Kaini, bātongele kulamata ku bibi. Bantu bakwabo batyetye’tu, kimfwa Abele ne Noa bātongele kulamata ku biyampe. Bantu bavule bāikele babi bininge, bālengeja Yehova alete mfulo pa yoya ntanda mibi. Kino kipindi kisa kwitukwasha tuyuke amba Yehova umonanga mutamba otulamete’ko, ne amba kakalekapo nansha dimo bibi binekenye biyampe.
MU KINO KIPINDI
KIFUNDWA 3
Ba Adama ne Eva Kebākōkelepo Leza
Le mutyi umo wa mu budimi bwa Edena wādi mwishile na mityi mikwabo muswelo’ka? Mwanda waka Eva wādile kipa kya ku uno mutyi?
KIFUNDWA 4
Bulobo Bubamutwala ku Kwipayañana
Leza wāitabije kyamulambu kya Abele, inoko wāpela kya Kaini. Kaini pa kuyuka’o, wāloba bininge ne kulonga kintu kibi mpata.
KIFUNDWA 5
Safina ya Noa
Bamwikeulu babi pobāsongele bana-bakaji pano pa ntanda, bābutwile bana batumpangala kadi babipalapala. Bya lūma byādi konsokonso pano pa ntanda. Inoko Noa wādi mwishile nabo—wādi usenswe Leza ne kumukōkela.
KIFUNDWA 6
Bantu Mwānda Abapande
Mvula wānokele mafuku 40 dyuba ne bufuku, wāleta Dilobe. Noa ne kisaka kyandi bālongele mu safina mwaka umo ne musubu. Ku mfulo, Yehova wēbasoñanya batambe panja.