Diumvuija dia Tshitupa 2
Bua tshinyi Yehowa uvua mulokeshe mvula uvua mubutule bantu ba tshikondo tshia Noa? Ku ntuadijilu kua nsombelu wa bantu, mvita yakatuadija pankatshi pa malu mimpe ne malu mabi. Bamue bantu bu mudi Adama, Eva, ne muanabu Kayina, bakasungula bua kuenza malu mabi. Kadi bantu bakuabu bakese bu mudi Abele ne Noa, bakasungula bua kuenza malu mimpe. Bantu ba bungi bakanyanguka bikole, ke Yehowa kubutula bulongolodi bubi abu. Tshitupa etshi netshituambuluishe bua kumanya ne: Yehowa udi umona luseke lutudi tusungula ne kakulekela malu mabi atshimuna malu mimpe to.
MU TSHITUPA ETSHI
DILONGESHA 3
Adama ne Eva badi babenga kutumikila Nzambi
Bua tshinyi mutshi umue wa mu budimi bua Edene uvua wa pa buawu? Bua tshinyi Eva wakadia tshimuma tshia ku mutshi au?
DILONGESHA 4
Tshiji tshiakafikisha ku dishipa muntu
Nzambi wakitaba mulambu wa Abele kadi kubengaye wa Kayina. Pakamanya Kayina bualu ebu, wakapeta tshiji tshikole ne kuenzaye bualu bubi menemene.
DILONGESHA 5
Buatu bua Noa
Pavua banjelu babi basele bakaji pa buloba, bakalela bantu ba balume ba mpolondo bavua bakengeshangana. Tshikisu tshiakatangalaka miaba yonso. Kadi Noa uvua mushilangane ne bantu aba, uvua munange Nzambi ne umutumikila.
DILONGESHA 6
Bantu muanda mukulu bakapanda
Mvula wa kabutu wakaloka matuku 40, munya ne butuku. Noa ne bena mu dîku diende bonso bakashala mu buatu tshidimu tshijima ne tshitupa. Ndekelu wa bionso, bakapatukamu.
