Ntachikilu yaChibalu 2
Muloñadi Yehova chaleteleliyi dibaji dajilumwini kaayi hayina mpinji? Kunyima henohu antu achidi antesha, Satana watachikili kudikaña naYehova. Antu amakwawu adi neyi Adama, Eva nimwanawu Kena afuukwilihu kwikala kukabadi kaSatana. Nawa antesha adi neyi Abeli niNowa, afuukwilihu kwikala kukabadi kaYehova. Antu amavulu elileña yuma yatama nankashi chakwila Yehova wafuukwilihu kujilumuna kana kaayi katama. Achinu chibalu chikutukwasha kwiluka nawu Yehova welukaña kabadi kitunafuukuli kwikalaku nawa haketeja kutama kukañesha yuma yayiwahiku.
MUCHINU CHIBALU
KUDIZA 3
Adama naEva Hiyamwovwahilili Nzambiku
Chumanyi chaletesheli mutondu wumu mwitempa daEdeni kwikala wambukaku? Muloñadi Eva chadiililiyi mukaabu kuniwu mutondu?
KUDIZA 4
Wajahañeni Muloña waKuhila
Nzambi wetejeli mulambu waAbeli ilaña waKena wawukaanini. Kena chelukiliyi chumichi, wahilili nankashi nawa welili chuma chatama.
KUDIZA 5
Watu waNowa
Añelu atama chasumbwiliwu ambanda hamaseki, avweli anyana awamayala ataluka akabishileña antu. Heseki dejima hadiña madombu. Ilaña Nowa wadiña wambukaku wamukeñeli Nzambi nawa wamwovwahilileña.
KUDIZA 6
Antu 8 Diwu Apulukili Nakwiñila Mukaayi Kakaha
Nvula yanokeli hadi mafuku 40 mwaana niwufuku. Nowa nichisaka chindi ashakamini muwatu kubadika hadi chaaka chimu. Nkumininaku, Nzambi wayilejeli nindi edikimu.
