Yajnimaytyaktsoonyë myëmajtsk pëkypyë
¿Tiko tëëyëbë Dios dyajkutëgooy ja jäˈäyëty ko dyajmiiny ja ayoˈonduu? Desde ko tsyondakyë jukyˈäjtën, naxwinyëdë jäˈäy mbäädë nety këˈëm twinˈixtë pën yëˈë tyunandëp diˈib oy o diˈib axëëk. Näägë jäˈäy, extëmë Adán, Eva etsë Caín, yëˈë wyinˈijxtë ttunäˈändë diˈib axëëk. Per ta nääk diˈib wyinˈijxtë ttunäˈändë diˈib oy, extëmë Abel etsë Noé. Ja tiempë mä jyukyˈajtyë Noé, nimayë jäˈäy yëˈë tyuundë diˈib axëëk, päätyë Jyobaa yajkutëgooyëdë. Mä tyäˈädë myëmajtsk pëkypyë, yëˈë nnijawëyäˈänëm ko Jyobaa yˈijxypy pën diˈib nbuwäˈkëm ets ninäˈä tkanasˈixëyaˈany parë axëëkpë xymyëmadakëm.
TIJATY MYËMIIMPY
ËXPËJKËN 3
Adán mëdë Eva kyaj tmëmëdoowdë Dios
¿Tiko nety tyëgatsyëty tuˈuk ja ujts kepy diˈibë nety tënaapy mä ja lugäärë tsujpë diˈib Edén? ¿Tiko Eva ojts tjeˈxy ja tyëëm?
ËXPËJKËN 4
Jantsy jotˈambëjk axtë yaˈoˈk ja myëgaˈax
Dios kyupëjk ja wyintsëˈkënë Abel, perë Caín kyaj jyaˈa yajkupëjky. Ko Caín tnijäˈäwë, ta jyantsy jyotˈambëjky ets ta tyuundëgooy.
ËXPËJKËN 5
Ja arkë diˈibë Noé kyoj
Ja anklësëty diˈib kyaj myëdoowdë ojts pyëktë mët ja toxytyëjkëty ets tpattë yˈuˈunk diˈib jantsy axëkjäˈäy ets këjxmaty. Perë Noé tsyojkë Dios ets myëmëdoow.
ËXPËJKËN 6
Niduktujkë jäˈäy diˈib jatëgokë jyukyˈäjtën yajtsondaktë
Mä ja Ayoˈonduu ja tyuuy 40 xyëëw 40 tsyuˈum. Noé mëdë fyamilyë ja jap yˈijttë mä ja arkë naxy tuk jëmëjt. Ets ok, ta pyëtsëëmdë.
