Vili mu Ciputulwa 2
U mulandu ci uno Yeova waletiile mulamba uwononyile insi pa nsita iya? Mpiti sana, antu yaalinzile ukusoololapo ukucita icisuma nanti cipe. Antu yamwi wakwe Adamu, Eva nu mwanao Kaini yasoolwilepo ukucita iviipe. Antu anono sile wakwe Abeli, na Nowa, yasoolwilepo ukucita ivisuma. Antu aingi yatandike ukucita iviipe icakuti Yeova wayononyile yonsi. Mu ciputulwa cii tumasambilila ukuti, Yeova akalola vino tukasoololapo nupya atalaleka iviipe vitwalilile.
MU CIPUTULWA CII
SAMBILILO 3
Adamu na Eva Yatuvwiilile Leza
U mulandu ci uno Leza walesizye Adamu na Eva ukulya ku muti onga uwali mu calo ca Edeni? U mulandu ci uno Eva walilile icizao?
SAMBILILO 4
Cipyu Calenzile Ukuti Akome Mwina Wakwe
Leza wapokelile ilambo lino Abeli wapeezile lelo atapokelile lyakwe Kaini. Lino Kaini wamanyile vivyo, wasosile sana icakuti wacisile cintu cipisye.
SAMBILILO 5
Ciwato Cakwe Nowa
Lino ya malaika yaatwazile anaci, yakweti ana ivipombolo ivyacuzyanga antu. Kwali sana unkalwe. Nowa wapusineko—watemilwe Leza nupya wamuvwilanga.
SAMBILILO 6
Antu 8 Yapuswike Lino Kwali Mulamba Mukalamba
Kwali Mulamba mukalamba lino imvula yatoonyizye manda 40 musanya nu usiku. Nowa nu lupwa lwakwe iikazile mu ciwato kucila pa mwaka onga. Lyene, Leza wayanenyile ukuti yafume umu ciwato.
