Babg a 2 sɩngr-goama
Pĩndã, bõe yĩng t’a Zeova kɩt tɩ sa-kãseng ni n sãam dũniyã? A sẽn naan ninsaalbã poore, pa kaoos la sẽn yaa wẽngã sɩnge. A Ãdem ne a Awa la b biig a Kayẽ yãka yam n maan sẽn yaa wẽnga. La neb a taab yãka yam n maan sẽn yaa sõma, wala makre a Abɛll ne a Nowe. Neb wʋsg ra lebga nin-wẽnse, hal t’a Zeova yeel t’a na n sãam-b lame. Bab-kãngã na n sõnga tõnd tɩ d bãng t’a Zeova nee tõnd sẽn yãk yam n maand bũmb ninsã, la t’a pa na n bas tɩ wẽngã tõog sõma wã ye.
BAB-KÃNGÃ PƲGẼ
SAK A 3
A Ãdem ne a Awa kɩɩsa Wẽnnaam
Tɩɩsã fãa sẽn da be Edɛn zẽedã zĩigẽ wã sʋka, bõe n kɩt tɩ tɩɩg a ye ra yaa toor ne a taabã? Bõe yĩng t’a Awa yãk tɩɩgã bil n dɩ?
SAK A 4
A sũurã yikame t’a lebg nin-kʋʋda
Wẽnnaam saka a Abɛll maoongã, la a pa sak a Kayẽ rẽndã ye. A Kayẽ sẽn yã rẽ, a sũurã yika wʋsgo, t’a maan bũmb sẽn yaa wẽng wʋsgo.
SAK A 5
A Nowe koom-koglgã
Malɛg-wẽnsã sẽn wa tẽngã zug n dɩgs pagbã, b roga kom-dibli sẽn da yaa bɛd-bɛda, n da maand neb a taabã pãnga. Wẽnemã ra bee zĩig zãnga. La a Nowe ra pa maand wa bãmb ye. A ra nonga Wẽnnaam, n sakd-a.
SAK A 6
Neb a nii n põse
Sa-kãsengã ni n kaoosa rasem 40 la yʋnd 40. A Nowe ne a zakã rãmb sẽn zĩnd koglgã pʋgẽ wã yɩɩda yʋʋmde. Wẽnnaam wa n yeel-b lame tɩ b yi.
