Nikan peua sección 2
¿Tleka toTajtsin Dios okinmixpolo akinmej amo yolkualmej ijkuak okatemiti Tlaltikpak? Satepan ijkuak toTajtsin Dios okinchijchi Adán uan Eva, opejki tlen amo kuali. Sekimej okichijkej tlen amo kuali ken Adán, Eva uan inkone tlen omotokayotiaya Caín. Pero oksekimej ken Abel uan Noé, okichijkej tlen kuali. Ijkuakon okachi miakej okichiuayaj tlen amo kuali, ik non, Jehová okinmixpolo. Itech ninmej tlamachtilmej tikitaskej Jehová kita nochi tlen tikchiuaj uan amo kitekauilis nochipa ma yeto tlen amo kuali.
ITECH NIN SECCIÓN
TLAMACHTIL 3
Adán uan Eva amo okitlakamatkej toTajtsin Dios
¿Tleka toTajtsin Dios okinmilui Adán uan Eva amo ma kikuakan itlakilo se kuauitl? ¿Tleka yejuan okikuajkej?
TLAMACHTIL 4
Caín sapanoa okualanki uan okimikti ikni
Jehová okipakti itetliokolil Abel, pero amo okipakti itetliokolil Caín. Ik non, Caín sapanoa okualanki uan otlajtlakolchi.
TLAMACHTIL 5
Noé okichijchi se akali
Sekimej ángeles amo okitlakamatkej toTajtsin Dios, omonamiktijkej iuan siuamej uan okinpixkej inkoneuan sapanoa uejkapantikej tlen okinpaktiaya moteuiskej. Pero Noé okitlasojtlaya toTajtsin Dios uan okitlakamatiaya.
TLAMACHTIL 6
Jehová okinmakixti chikueyi tlaltikpaktlakamej
Jehová okichi ma kiaui 40 tonalmej uan 40 yoak. Noé uan ikalchanejkauan omokajkej ijtik akali kanaj se xiuitl. Saiktlami, toTajtsin Dios okinmilui ma kisakan.
