Matangiro o Divi ro2
Ngenyi Jehovha wakaviisa ndambi kuti aparaje nyika yo mu nguva iya? Vandhu pavakatanga kurarama, yakatangavo hondo yo kuda kuita zvakanaka no zvakashata. Vanganani, vakadari inga Adhamu na Evha no mwana wavo Kaini, vakasana kugara ku divi ro vashati. Vashoma vakadari inga ndi Abheri na Nowa, vakasana kugara ku divi rinoithwa zvaushoni. Vandhu vazinji vaiita zvakashata zvokuti Jehovha wakada kupeja nyika yondhoyo yaishatisisa. Divi iri ricabesera mujiji wenyu avone kuti Jehovha anovona divi ratakheta kuva zve aazotenderi kuti ushati ufakee zvakanaka.
ZVIRI MU DIVI IRI
CIJIJO 3
Adhamu na Evha Avazivi Kuzwira Mwari
Ngocapi caisisira maningi pa miti wo mu munda wo Edheni? Ngenyi Evha wakaha mucero wo miti wondhoo?
CIJIJO 4
Ushungu Hwakamuita kuti Ave Muurai
Mwari wakatendera muripo wa Abheri haiwa wa Kaini. Kaini paakazvivona, wainga wakanyangajwa maningi zve wakaita ciri cinosuruvarisa maningi.
CIJIJO 5
Arka ya Nowa
Apo ngirozi jakashata jakarovorana no vanakaji pasi pano, jakava no vana vanothyisa maningi magakanyara. Uphanga waizara pa ndau iri yese. Asi Nowa wainga wakasiana —waida zve waizwira Mwari.
CIJIJO 6
Vapokonyoki Vasere mu Nyika Impsa
Ndambi yakaita kuti nvhura ine 40 o njiku no 40 o usiku. Vese pamwepo, Nowa no mbhuri yake vakagara mu arka kunopinda gore rimwe. Pakupejisira, vakakwanisa kubuda mu ngarava.
