Famaehagö Faosatö 2
Hadia mbörö wa ifalua Yehowa molö sabölö-bölö me föna ba wamakiko ulidanö? Iʼotarai me föna, so waʼudusa ba gotalua zi sökhi hegöi si lö sökhi. So zofili si lö sökhi simane Adamo, Khawa, ba onora Kaʼino. Tanö böʼönia lafili zi sökhi, simane Habeli ba Noakhi. Ato niha samalua si lö sökhi irege ihori ira Yehowa ba gulidanö. Ba faosatö daʼa, tafahaʼö ita wa iʼila Yehowa hadia nifilida, ba lö irai itehegö kala zi sökhi moroi ba zi lö sökhi.
SO BA DA'A
FAMAHAʼÖ 3
Lö Laʼoʼö Niwaʼö Lowalangi Ira Adamo ba Khawa
Hadia mbörö wa tohude sibai döla geu si so ba dalu kabu Edena andrö? Hana wa iʼa Khawa mbua geu daʼö?
FAMAHAʼÖ 4
Moroi ba Wönu, Tobali Famunu
Itema Lowalangi zumange nibeʼe Habeli, hizaʼi lö itema nibeʼe Gaʼino. Me iʼila daʼö Kaʼino, mofönu sibai ia ba ifalua zi lö sökhi.
FAMAHAʼÖ 5
Owo Noakhi
Me mangowalu malaʼika khö ndra alawe ba gulidanö, tumbu khöra ndraono segebua boto, samakao-kao niha. Oya waʼalösökhi. Faböʼö Noakhi, iʼomasiʼö ba iʼoʼö Yehowa.
FAMAHAʼÖ 6
Dawalu Zauri moroi ba Molö Sabölö-bölö
Alua Molö Sabölö-bölö me aefa deu si 40 ngaluo ba 40 wongi. Töra döfi waʼara Noakhi hegöi ösi nomonia bakha ba nowo. Ba gafuriata, möi ira baero.
