Matseno a Karolo 2
Ke ka baka la eng Jehofa a ile a tliša meetsefula ao a ilego a bolaya batho ba mehleng yeo? Lebaka ke gore ge batho ba be ba sa tšwa go thoma go ba gona, go ile gwa tsoga ntwa magareng ga botse le bobe. Batho ba bangwe ba be ba dira dilo tše dibotse gomme ba bangwe ba dira dilo tše mpe. Batho ba go swana le Adama, Efa le morwa wa bona e lego Kaine, ba ile ba kgetha go dira dilo tše mpe. Ba bangwe ba sego kae, ba go swana le Abele le Noa, ba ile ba kgetha go dira dilo tše dibotse. Batho ba bantši ba ile ba thoma go dira dilo tše mpe gomme Jehofa a ba fediša ka moka. Karolo ye e tlo re thuša go tseba gore Jehofa o bona dilo tšeo re di dirago le gore o tlo fediša batho bao ba dirago dilo tše mpe.
KAROLONG YE
THUTO 3
Adama le Efa ba Ile ba Tshela Molao wa Modimo
Ke ka baka la eng Modimo a ile a re Adama le Efa ba se ke ba ja seenywa sa sehlare seo se bego se le gare ga serapa sa Edene? Ke ka baka la eng Efa a ila a ja seenywa sa sehlare seo?
THUTO 4
O Ile a Galefa Gomme a Bolaya Motho
Modimo o ile a amogela sehlabelo sa Abele eupša a se amogele sa Kaine. Ge Kaine a bona gore Modimo ga a amogele sehlabelo sa gagwe, o ile a galefa gomme a dira selo se sebe.
THUTO 5
Areka ya Noa
Ge barongwa ba babe ba be ba nyala basadi mo lefaseng, ba ile ba ba le bana ba go swana le makgema bao ba bego ba hlakiša batho. Batho ka moka e be e le ba babe. Eupša Noa o be a sa swane le bona—o be a rata Modimo e bile a mo kwa.
THUTO 6
Batho ba Seswai ba a Phologa
Pula e ile ya na ka matšatši a 40 le mašego a 40 gomme ya baka meetsefula. Noa le lapa la gagwe ba dutše ka arekeng nako ya ka godimo ga ngwaga. Mafelelong, Modimo o ile a re ba tšwe ka arekeng.
