Baa Hane’ii 2
Haʼátʼíí biniinaa Jiihóvah tó yíląąd yę́ędą́ą́ʼ diné doo yáʼádaashóonii íísdįįd? Tʼáá bílaʼashdlaʼii bił hodeeshzhiizhdę́ę́ʼ, yáʼátʼéehii índa doo yáʼátʼéehii hazlı̨́ı̨́ʼ. Łaʼ éí doo yáʼáshóonii yikʼeh ádáátʼįįd, éí Ádam, Íiv, dóó Kéin daʼatah. Łaʼ éí Éíbel dóó Nóah yáʼátʼéehgo áátʼįįdii yikééʼ niikai. Doo tsʼíídgóó adeesdeeʼígíí biniinaa Jiihóvah éí ląʼí diné íísdįįd. Bíhwiidooʼáłígíí 3dóó 6jįʼ éí díí yee nanihidínóotįįł: Doo tsʼíídgóó adeesdeeʼígíí nidootʼih ní Jiihóvah, áádóó yáʼátʼéehii doodaiiʼ doo yáʼátʼéehii ááníłígíí éí Jiihóvah bił bééhózin.
DÍÍ BAA HANEʼII BIYIʼ GÓNEʼ
BÍHWIIDOOʼÁŁÍGÍÍ 3
Ádam dóó Íiv God Doo Yikʼeh Hóółʼįįd Da
Dáʼákʼeh Íídengi tsin bineestʼąʼ dáʼákʼeh ałníiʼgi sikaadígííshąʼ haitʼéego tʼáá sahdii átʼé? Haʼátʼíísh biniinaa Íiv tsin bineestʼąʼ yiyííyą́ą́ʼ?
BÍHWIIDOOʼÁŁÍGÍÍ 4
Háhóóchįįdígíí Biniinaa Ajiisxı̨́
Éíbel éí nááyiisniiʼígíí Jiihóvah yaa bił hóozhǫǫd. Éí Kéin bił bééhoozįįdgo yéigo báhóóchįįdgo doo tsʼííd ájiidzaa da.
BÍHWIIDOOʼÁŁÍGÍÍ 5
Nóah biTsinaaʼeeł
Díí níłchʼigo ndaalʼaʼí éí sáanii yił ahaa daaskai yę́ę ashiiké bá nidayiischı̨́. Éí ashiiké édaʼatsʼihii daazlı̨́ı̨́ʼ. Tʼáá ałtsogóó doo tsʼíí áhootʼé. Ákondi Nóah éí łah átʼé, éí God ayóóʼáyóʼní.
BÍHWIIDOOʼÁŁÍGÍÍ 6
Tseebíí Yiltʼéego Yisdáákai
Tó Yíląądgo éí dízdiin jı̨́ dóó dízdiin tłééʼ nahóółtą́. Nóah índa bighandóó éí tsinaaʼeeł biiʼ nahójíiztą́ągo łaʼ nááhai bilááhgóó ahoolzhiizh. Áádóó God chʼínóhkááh bidííniid.
