Ebirikwanjura Ekicweka 2
Ahabw’enki Yehova yaareetsire omwegyemure ogwacwekyereize ensi yoona? Ira munonga, Sitaane akareetaho okugomera Yehova. Abantu abamwe, nka Adamu, Haawa, n’omwana waabo Kaini, bakacwamu kworobera Sitaane. Abandi, nka Abeeli na Noa, bakacwamu kworobera Yehova. Abantu abaingi bakaba babi munonga Yehova yaacwamu kubacwekyereza boona. Ekicweka eki nikiza kutuhwera kumanya ngu Yehova naareeba eki turikucwamu kandi ngu tarikwikiriza ekibi kusingura ekirungi.
OMU KICWEKA EKI
EISHOMO 3
Adamu na Haawa Bakagomera Ruhanga
Omuti gumwe omu musiri Edeni gukaba guri ogw’omutaano guta? Ahabw’enki Haawa yaariire ekijuma kyagwo?
EISHOMO 4
Ekiniga Okurugamu Okwita
Ruhanga akasiima ekitambo kya Abeeli ti yaasiima ekya Kaini. Kaini ku yaakimanyire, akagira ekiniga kingi kandi yaakora ekintu kibi munonga.
EISHOMO 5
Emeeri ya Noa
Obu baamaraika ababi baashwera abakazi omu nsi, bakazaara abaana abaabaire baine amaani maingi kandi barikutwariza kubi abandi. Obushaarizi bukaba buri hoonahoona. Kwonka Noa akaba ari ow’omutaano—akaba naakunda Ruhanga kandi arikumworobera.
EISHOMO 6
Abantu Munaana Bakahonoka aha Mwegyemure
Enjura ekareeta omwegyemure ogwamazire ebiro makumi ana nyomushana na nyekiro. Noa n’ab’omuka ye baine kuba bamazire omu meeri obwire oburikurenga omu mwaka gumwe. Bwanyima bakabaasa kushohora.
