2 tʼaqaj qallariynin
¿Imajtintaj Dios Jatun Parawan sajra runasta chinkacherqa? Adanwan Evawan kasqankumantapacha, Satanasqa Jehová Diospa contranpi oqharikorqa. Wakin runaspis Diospa contranpi oqharikullarqankutaj, paykunamanta wakenqa Adanwan, Evawan, Cainwan karqanku. Pisi runaslla Diosta kasukorqanku. Paykunamanta wakenqa Abelwan Noewan karqanku. Casi tukuy runas may sajras kasqankurayku, Jehová Dios paykunata chinkacherqa. Kay tʼaqapi yachakusun Jehová Dios tukuy ima ruwasqanchejta qhawamushasqanta, allin kajtapuni ruwanata munasqanta ima.
KAY TʼAQAPI
CAPÍTULO 3
Adán, Eva ima mana kasukorqankuchu
¿Edén huertamanta ujnin sachʼa imaynataj karqa? ¿Imajtintaj Eva chay sachʼaj poqoyninta mikhuykorqa?
CAPÍTULO 4
Phiñakuspa hermanonta wañucherqa
Jehová Diosqa Abelpa jaywasqanta allinpaj qhawarqa, Cainpatataj mana. Cainqa campopi kashaspa may phiñasqa kasharqa, mana ruwanantataj ruwarqa.
CAPÍTULO 5
Noé uj arcata ruwarqa
Mana kasukoj angelesqa, warmiswan casarakorqanku, wawasninkutaj sajras, jatuchajtaj karqanku. Tukuynejpitaj sajra ruwaykuna rikukorqa. Jinapis Noeqa Jehová Diosta munakorqa, kasukorqataj.
CAPÍTULO 6
Pusaj runaslla salvakorqanku
40 diasta, 40 tutastawan manchayta paramorqa. Noewan familianwantaj arca ukhupi uj wata kurajta karqanku. Chaymantataj Diosqa arcamanta llojsimunankuta nerqa.
