2 kaq willakïkunachö imakunapaq parlanqan
¿Imanirtaq unë nunakunata apäkï tamyawan Dios ushakätsirqan? Nunakuna kawar qallayanqampita patsëmi mana alli kaqqa munashqa alli kaqta vencita. Wakin nunakunaqa Adannö, Ëvanö y wamran Cainnömi mana alli kaqta rurayarqan. Peru wallkaqllam Abelnö y Noënöqa alli kaqta rurayarqan. Cäsi llapan nunakunam alläpa mana alli tikrakuriyarqan, tsëmi Jehoväqa llapan mana alli nunakunata ushakätsirqan. Kë willakïkunachöqa yachakushun alli o mana alli nuna kanqantsikta Jehovä rikanqanta, y alli kaq rurëkunata mana alli kaq vencinanta mana permitinampaq kaqtam.
KË KAQ GRÜPU WILLAKÏKUNACHÖ
3 KAQ WILLAKÏ
Adanwan Ëvaqa manam wiyakuyarqantsu
Eden huertachöqa, ¿imanirtaq juk plantaqa wakin plantakunapita jukläya karqan? ¿Imanirtaq Ëvaqa tsë plantapa frütanta mikurirqan?
4 KAQ WILLAKÏ
Cölerarmi wawqinta wanïkatsirqan
Diosqa Abelpa ofrendampita kushikurqanmi, peru Cainpa ofrendanqa manam gustarqantsu. Cain cuentata qokurirqa alläpam cölerakurqan y wawqintam wanuratsirqan.
5 KAQ WILLAKÏ
Noëqa juk arcatam rurarqan
Diosta mana wiyakoq angelkunaqa warmikunawanmi casakuyarqan, y pëkunapita yureq wamrakunaqa alläpa lïsum y mëtsikasaqmi kayarqan. Më tsëchömi maqanakï y wanutsinakï karqan. Peru Noëqa kuyarmi Diosta wiyakoq.
6 KAQ WILLAKÏ
Puwaqllam mushoq patsaman chäyarqan
Apäkï Tamyaqa 40 junaq y 40 paqasmi durarqan. Juk watapitapis masran Noëwan familianqa arca rurinchö kayarqan. Tsëpitaran yarquyarqan.