Parte 2pa callari shimicuna
Punda tiempopi causaj gentecunataca ¿imamandata Taita Diosca Jatun Manllanai Tamiahuan tucuchirca? Gentecuna tiai callarishcamandapachami llaquicuna, nali ruraicunapash tia callarirca. Adanbash, Evapash paicunapa churi Cainbashmi nalita ruranata agllarca. Cutin Abel, Noé y shuj gentecunaca Diosta cazushpa alita ruranatami agllarca. Chai tiempopi gentecunaca casi tucuicunami nalicuna tucurca. Chaimandami Jehová Diosca paicunataca tucuchirca. Cai capitulopica ñucanchicuna alita o nalita rurajtapash Jehová Dios ricujujta, imapash nali ruraicuna mishachun Jehová Dios na saquina cashcatami yachajushun.
CAI PARTEPI
CAPÍTULO 3
Adanbash, Evapash Diostaca na cazurcachu
Jardín de Edenbi yuracunamandaca shuj yurami diferente carca ¿imamandata diferente carca? ¿Imamandata Evaca chai yuramanda micurca?
CAPÍTULO 4
Cainga paipa huauquitami huañuchirca
Jehová Diosca Abel carashcatami alicachirca. Shinapash Cainba carashcataca nalicachircachu. Chaimi Cainga ninanda culirashpa jatun nalita rurarca.
CAPÍTULO 5
Noeca shuj arcatami rurarca
Angelcunaca na cazushpami huarmicunahuan cazarashpa millai, jatun jatun huahuacunata charirca. Nali ruraicunaca tucui ladocunapimi mirarca. Shina cajpipash Noeca Diosta juyaimandami tucuipi cazurca.
CAPÍTULO 6
Ochopuracunami salvarirca
40 punllacunata, 40 tutacunatami manllanaita tamiarca. Noepash, paipa familiapash huata yalitami arcapi cashca jipami llujshirca.
