Увод башо 2 дело
Соске ко пурано време о Јехова уништинѓа о свето потопеа? Откеда керѓа е прво манушен, почминѓа јекх војна машкар о шукар хем о лошно. Несаве мануша, сар сој о Адам, и Ева хем ленгоро чхаво о Каин, биринѓе о лошно. А јавера, сар сој о Авел хем о Ное, биринѓе о шукар. Ама, повише мануша уле добором лошна со о Јехова мора сине те уништинел лен. Акава дело ка поможинел аменге те сикљова кај о Јехова дикхела со ка бирина хем кај никогаш нане те дозволинел о лошнипе те побединел о шукарипе.
КО АКАВА ДЕЛО
3 ЛЕКЦИЈА
О Адам хем и Ева на шунѓе е Девле
Соске јекх таро са о кашта ки еденско градина сине посебно таро јавера? Соске и Ева хаља таро адава каш?
4 ЛЕКЦИЈА
И холи шај те овел бут опасно
О Девел прифатинѓа е Авелескири жртва, а на е Каинескири. Кеда о Киан дикхља адава, бут хољанѓа хем керѓа нешто бут страшно.
5 ЛЕКЦИЈА
Е Ноескири арка
Кеда о лошна ангелија леле песке ромња ки Пхув, ола сине лен чхаве со сине сар џинија. О лошнипа сине сегде. Ама о Ное сине јавер чхане, ов мангела сине хем шунела е Девле.
6 ЛЕКЦИЈА
Офто џене спасинѓе пе ко Потоп
Ко Потоп денѓа бршим 40 диве хем 40 раќа. О Ное хем лескири фамилија ки арка сине повише таро јекх берш. Ко крајо, о Девел вакерѓа ленге те икљон латар.