Mafala Akutoma a Khundu 2
Thangwi yanji Yahova afudza dziko mukuphatisira cigumula? Mudamala kwene Mulungu kucita anthu, yatoma nkhondo toera kucita pyadidi na pyakuipa. Adhamu, Eva na mwanawo Kaini na anthu anango asankhula kucita pinthu pyakuipa. Anthu akucepa ninga Abheli na Nowa, asankhula kucita pinthu pyadidi. Anthu azinji adzakhala akuipa kakamwe, natenepa Yahova afudza anthu anewa. Misolo inatowera inadzatipangiza kuti Yahova asadziwa pinthu pinacita ife, pontho nee anadzatawirisa toera uipi ukunde udidi.
MU KHUNDU INO
NSOLO 3
Adhamu na Eva Nee Abvera Mulungu
Ndi cinthu cipi cikhali na nsapo wakupambulika m’munda wa Edheni? Thangwi yanji Eva adya nsapo wa muti unoyu?
NSOLO 4
Ukali ndi Wakugopswa
Mulungu atawira ntsembe idapereka Abheli, mbwenye nee atambira ya Kayini. Mu ndzidzi udadzindikira Kayini pyenepi, iye akhadaipirwa kakamwe mbacita pinthu pyakuipa.
NSOLO 5
Bote ya Nowa
Aanju akupanduka pidamanga iwo banja na akazi pa dziko yapantsi, iwo adzabala ana akuti akhali pimphona. Uphanga ukhali mbuto zonsene. Mbwenye Nowa akhali wakusiyana—iye akhafuna na akhabvera Mulungu.
NSOLO 6
Anthu Asere Apulumuka Mbapita N’dziko Ipswa
Pa cigumula madzi abvumba ntsiku 40 na masiku 40. Nowa na banjace akhali m’bote cifupi pyaka piwiri. Pakumalisa, Mulungu aapanga toera kubuluka.
