Atënë ti tongo nda ni ti mbage 2
Ngbanga ti nyen Jéhovah asara si kota ngu so apika na ngoi ti Noé afuti dunia ni? Na tongo nda ti mbaï ti azo, Satan ake yanga ti Jéhovah. Ambeni zo, na tapande Adam, Ève nga na Caïn so ayeke molenge ti ala, asoro ti mû mbage ti Satan. Ambeni kete wungo ti azo, na tapande Abel nga na Noé, asoro ti ala ti mû mbage ti Jéhovah. Azo mingi aga tâ sioni, na ye so asara si Jéhovah afuti sioni dunia ni so lani. Mbage so ayeke mû ande maboko na e ti hinga so Jéhovah ayeke bâ wala e ye ti mû mbage ti zo wa, nga lo yeke zia lege lâ oko ape na sioni ye ti hon ndö ti nzoni ye.
NA YÂ TI MBAGE SO
YE TI MANDA 3
Adam na Ève ake yanga ti Nzapa
Nyen la ayeke mbilimbili na yâ ti keke so ayeke na yâ ti yaka ti Éden so? Ngbanga ti nyen la Ève ate lê ti keke so?
YE TI MANDA 4
Ngonzo asara si lo fâ zo
Nzapa ayeda na sandaga ti Abel, me lo ke ti Caïn. Na ngoi so Caïn ahinga ni, lo sara ngonzo ngangu na asara si lo sara sioni ye.
YE TI MANDA 5
Arche ti Noé
Na ngoi so asioni ange so asara mariage na awali na ndö ti sese, ala dü amolenge so ayo mingi. Sarango ye ti ngangu na zo amû ndo kue. Me, Noé ayeke ti lo nde mingi, lo ye Nzapa nga lo yeke mä yanga ti lo.
YE TI MANDA 6
Azo miombe asö kuâ ti lï na yâ ti mbeni fini dunia
Ngu apika lâ 40 na bï 40. Noé na sewa ti lo kue ayeke na yâ ti arche ni, ala ngbâ na yâ ni ahon ngu oko. Na nda ni, Nzapa atene na ala so ala lingbi ti sigi na yâ ti arche ni.
