Fampilira amy Fizarà Faha-2
Nanino Jehovah ro nandefa ranobe nandripaky ty raha iaby tan-tany etoy? Laha vo nanombotomboky ty tantaran’olombelo, le nifanohitsy ty soa noho ty raty. Ty raty ro nifilin’olo sisany manahaky an-dry Adama, Eva, noho Kaina anakilahin-drozy iny. Fe nisy avao koa ty nanaraky ty soa, ohatsy hoe Abela noho Noa. Niharaty niharaty avao ty olo, farany Jehovah nandripaky ani-tontolo raty io. Ho hitantsika amy fizarà toy ato fa mahita ty safidy ataontsika Jehovah, sady tsy engàny handresy ty soa mihintsy ty raha raty.
AMY FIZARÀ TOY
FIANARA FAHA-3
Tsy Nanoriky Safà-Ndranahary Adama Noho Eva
Nisy hazo raiky zay tamy zariday Edena tao. Ino ty nampiavaky azy? Nanino ro nihinanani-Eva ty voani-hazo io?
FIANARA FAHA-4
Raha Raty ty Heloky
Nekeni-Jehovah fanatitsini-Abela iny, fa tsy nekeny ahi-Kaina iny. Lafa nihaini-Kaina raha zay le neloky biby ie, farany nanao raha farani-ze raty.
FIANARA FAHA-5
Sambofiarani-Noa
Nanambaly ampela tan-tany etoy anjely nijotso baka an-danitsy any rey, le niteraky lahilahy be noho abo mpanerisery olo. Niatsiky hasatà ty tetoy. Fe tsy nanahaky an-drozy Noa, satria tea a Ndranahary noho nanoriky ty safàny.
FIANARA FAHA-6
Toly Soa amy Tany Vaovao iny ao Rozy Valo
Mbo nijano tanatini-sambofiara iny tao avao ry Noa. Tafarani-zay, le nivola tamin-drozy Jehovah mba hiboaky bakao.