Faatomuaga o le Vaega 2
Aiseā na aumaia ai e Ieova se lolo na faaumatia ai tagata i lenā taimi? I le amataga lava o le talafaasolopito o tagata, na amata ai se feteenaʻiga i le va o le lelei ma le leaga. Na filifilia e nisi e pei o Atamu, Eva, ma la laʻua tama o Kaino le leaga. Ae e toʻaitiiti na filifilia le lelei, e pei o Apelu ma Noa. E toetoe o tagata uma na matuā leaga, o lea na faaumatia ai e Ieova na tagata amioleaga. O le a fesoasoani lenei vaega iā i tatou e aʻoaʻoina ai o loo silasila mai Ieova po o lē fea itu e tatou te filifilia, ma e na te lē faatagaina le leaga e faatoʻilaloina le lelei.
I LENEI VAEGA
LESONA 3
Na Lē Usiusitaʻi Atamu ma Eva i le Atua
O le ā se vala sa faapitoa ai se tasi o laau i totonu o le faatoʻaga o Etena? Aiseā na ʻai ai e Eva le fua o lenā laau?
LESONA 4
Amata Mai i le Ita ae Iʻu i le Fasioti Tagata
Na talia e le Atua le taulaga a Apelu ae lē o le taulaga a Kaino. Ina ua iloa e Kaino, ona matuā ita ai lea o ia ma faia ai se mea sili ona leaga.
LESONA 5
Le Vaa o Noa
Ina ua faaipoipo agelu leaga i fafine i le lalolagi, ona latou fanauina mai lea o ni atalii tinoeese na sauāina tagata. Sa matuā taatele le amioleaga. Ae na ese mai ai Noa, na alofa o ia ma usiusitaʻi i le Atua.
LESONA 6
E Toʻavalu na Sao Atu i se Lalolagi ua Faamamāina Mai i Tagata Leaga
E 40 ao, 40 pō na matuā mamafa ai timuga ona o le Lolo. E sili atu i le tasi le tausaga na iai Noa ma lona aiga i totonu o le vaa. Mulimuli ane, na mafai loa ona latou ō i fafo mai i le vaa.
