Mbangilo a kipindji kya 2
Bwakinyi Yehowa baadi munokyeshe mpeshi a kabutu baadi mulwishe nsenga yooso mu aa mafuku? Kwi ngoshi ibaadi ibangye ku mbangilo kwa myanda ya bantu—ngoshi ya bibuwa na bibubi. Bangi bantu bu Adama, Eeva, na mwan’abo Kayine, abasangwile lupese lwa bibubi. Bangi bapeela namu bu, Abele na Nowa, abasangwile lupese lwa bibuwa. Bantu bebungi abafikile bantomboshi bibaadi na Yehowa mwibabutule booso. Kino kipindji akiketukwasha bwa kuuka shi Yehowa amonaa lupese lwatusangula na kupela kutadiila bwa shi myanda i bubi ikambile i buwa.
MU KINO KIPINDJI
Adame na Eeva abatombokyela Efile Mukulu
Mutshi umune ubaadi mu lupango lwa Edene ubaadi wilekeene na ingi ku kinyi? Bwakinyi Eeve badiile kikuba kyao?
Nsungu ibatakula muntu mu kwipayishena
Efile Mukulu baadi mukumine mulambu wa Abele aapela wa Kaayine. Pabamwene Kaayine byabya, bafiitshile munda bikata aye nkukita kibeshi.
Bwato bwa Nowa
Bamikeeyilu batombokye pababaadi beebakile bakashi pa nsenga, abatandjile bana babaadi bipambe. Buntomboshi bubabangile mbalo yoso. Anka Nowa baadi mwilekeene nabo—baadi mufule na kukookyeka Efile Mukulu.
Kupanda kwa bantu mwanda mu nsenga ipya
Mpeshi banokyele munda mwa mafuku 40 bufuku na kaanya. Nowa na kifuko kyaye abaadi mu bwato munda mwa kipwa na mafuku. Nfundiilo a byoso Efile Mukulu babalungwile bwa kwimutuuka.
