Biginwortu fu pisi 2
Fu san ede Yehovah tyari wan frudu kon di pori a grontapu fu a ten dati? Syatu baka di Gado meki libisma, wan strei bigin. A ben de wan strei na mindri bun nanga ogri. Son sma soleki Adam, Eva nanga a boi fu den Kain, bosroiti fu du san ogri. Wan tu tra sma soleki Abel nanga Noa bosroiti fu du bun. Furu sma na grontapu ben kon ogri so te, taki Yehovah kiri den alamala. A pisi disi o sori wi taki Yehovah e si efu wi e du san bun noso san ogri èn taki noiti a o meki ogri wini bun.
NA INI A PISI DISI
LES 3
Adam nanga Eva no du san Gado taki
San ben de so aparti na wan fu den bon na ini a dyari fu Eden? Fu san ede Eva nyan a froktu fu a bon?
LES 4
Atibron meki taki a kiri en brada
Gado ben breiti nanga na ofrandi fu Abel, ma a no ben breiti nanga a di fu Kain. Di Kain si dati, a kisi bigi atibron èn a du wan ogri.
LES 5
Na ark fu Noa
Di den ogri engel trow nanga umasma na grontapu, den kisi manpikin di ben bigi srefisrefi èn di ben e du ogri nanga sma. Ogri ben de na ala sei. Ma Noa ben de tra fasi. A ben lobi Gado èn a ben e arki en.
LES 6
Aiti sma tan na libi
Alen fadon 40 dei nanga 40 neti di a Frudu kon. Moro leki wán yari Noa nanga en osofamiri ben de na ini na ark. Te fu kaba den ben man komoto na ini na ark.