Rehake Mampizilike ty Fizaràgne 2
Nagnino ty Jehovah ro nandefa safodrano mba handravagne ty tontolo tamy izay? Vaho nanomboke ty tantara o ndatio, le nisy ty nanao soa, le nisy ty nanao raty. Nifily ty hanao raty ty Adama naho i Eva vaho i Kaina. Fa nifily hanao ty soa ka ty ndaty ila’e. Agnisa izay ty Abela naho i Noa. Nanao raty ty ankamaroa o ndatio. Izay ty nahavy i Jehovah namono ty ndaty raty fagnahy tamy izay. Ho treantika amy ty fizaràgne toy fa mandineke ze raha ataontika ty Jehovah, ndra soa ndra raty. Tsy henga’e handrese ty soa ka ty raty.
TY FIZARAGNE TOY
LESOGNE 3
Tsy Nankatò ty Adama Naho i Eva
Ino ty nampiambake ty hatae tagnivo i tete i Edenay eo? Ino ty nahavy i Eva nihinagne tama’e?
LESOGNE 4
Boseke Reke le Namono Ndaty
Neké i Jehovah ty fagnate i Abela fa ty ahy Kaina tsy neké’e. Naho fa nahatrea izay ty Kaina, le niboseke sady namono ndaty.
LESOGNE 5
Sambofiara i Noa
Naho fa nanambaly ampela o anjely reo, le niterake ana-dahy mampijale ndaty. Nifeno hampiarotegne ty tane toy. Faie niavake ty Noa satria nankatὸ i Jehovah naho nitea aze.
LESOGNE 6
Ndaty Valo Avao ty Sisa Velogne
Naharetse 40 andro naho 40 halegne ty niavia i oragney. Tao’e raike mahery tagnate i samboy ao avao ty ry Noa mirofoko. Afake niakatse amy izay iareo tamy ty fara’e.
