Introdaksen Bilong Seksen 2
Wai na God i kamapim bikpela tait wara na bagarapim ol manmeri bilong dispela taim? Kirap long bipo tru na i kam, wanpela pait i kirap—pait bilong bihainim gutpela pasin na pasin nogut. Sampela man, olsem Adam, Iv, na pikinini man bilong ol Kein, i mekim disisen long bihainim ol pasin nogut. Tasol sampela narapela, olsem Abel na Noa, i mekim disisen long bihainim gutpela pasin. Planti man i bikhet so Jehova i kamapim bagarap bilong pinisim ol man nogut bilong dispela taim. Dispela seksen bai helpim yumi long save olsem Jehova i lukim wanem pasin yumi makim long bihainim, na em bai i no inap larim ol pasin nogut i winim ol gutpela pasin.
LONG DISPELA HAP
LESEN 3
Adam na Iv i Sakim Tok Bilong God
Wanem samting i spesel long wanpela diwai long gaden Iden? Wai na Iv i kaikai prut bilong en?
LESEN 4
Belhat na Kilim Man
God i laikim ofa bilong Abel tasol Kein, nogat. Taim Kein i painimaut, em i belhat nogut tru na i mekim samting i nogut moa.
LESEN 5
Sip Bilong Noa
Taim ol ensel nogut i maritim ol meri long graun, ol i kamapim ol pikinini i strongpela man tru na ol buli. Pasin bilong pait na bagarapim man i stap long olgeta hap. Tasol Noa i narapela kain—em i laikim na bihainim tok bilong God.
LESEN 6
Etpela i Abrusim Bagarap
Bikpela Tait i mekim na ren i pundaun inap 40 de na 40 nait. Noa na famili bilong em i stap insait long sip winim wanpela yia. Bihain, ol i go ausait.