Enyanjura y’Ekicweka 2
Habwaki Yahwe yakozeseze amaizi kuhwerekereza ensi omu kasumi ka Nuha? Ira muno abantu obu bakaba bakyali bake muno omu nsi, obubi bukatandika kurwanisa oburungi. Abantu nka Adamu, Hawa, hamu na mutabani wabo Kaini, bakacwamu kukora ebibi. Baitu abake nka Aberi na Nuha nubo abacwiremu kukora ebirungi. Abantu abarukukira obwingi bakafooka babi muno ekyaletiire Yahwe kuhwerekereza ensi egi embi. Ekicweka kinu nikiija kutukonyera kumanya ngu Yahwe amanya orubaju orutucwamu kusagika kandi ngu talireka obubi kusingura oburungi.
OMU KICWEKA KINU
ISOMO 3
Adamu na Hawa Bakajemera Ruhanga
Habwaki omuti gunu ogukaba guli omu rugonjo Adeni gwali nigwahukanaho miti endi? Habwaki Hawa yaliire ekijuma kyagwo?
ISOMO 4
Ekiniga Kikarugamu Obwisi
Ruhanga akaikiriza ekihongwa kya Aberi baitu yayanga ekya Kaini. Kaini obu yakimanyire, akakwatwa ekiniga yakora ekintu ekibi muno.
ISOMO 5
Elyato lya Nuha
Abamaraika ababi obu baswire abakazi ab’omu nsi, bakazaara abaana nyamugundu abayenderezaga abantu. Baletaga obutabanguko buli hamu hoona. Baitu Nuha akaba n’abahukanaho—yagonzaga Ruhanga kandi yamworoberaga.
ISOMO 6
Abantu Munaana Bakira Okusandaara kw’Amaizi
Enjura eyalesere Okusandaara kw’Amaizi ekagwa kumara ebiro 40 nyamusana n’ekiro. Nuha n’eka ye bakamara omu lyato omwaka gumu n’ebiro ebirukuhinguramu. Obwire bukahika Ruhanga yabaragira kuruga omu lyato.
