2-ги кезекке киирилде
Иегова бурунгу үеде суг халавын чүге чоргузупкан? Ол үеде чер кырынга эки биле бактың аразынга дайын эгелээн. Чамдык кижилер чижээ, Адам, Ева болгаш оларның оглу Каин каржы-бактың талазын шилип алганнар. Ынчалза-даа эки таланы шилип алган улус база турган, чижээ, Авел, Ной. Улустуң хөй кезии дыка каржы-бак апаарга, Иегова Бурган ол каржы делегейни узуткаар дээн. Иегова каржы-бактың тиилеп алырын болдурбас база бистиң кайы таланы шилип алганывысты көрүп турар. Ону бо кезектен билип алыр бис.
БО КЕЗЕКТЕ
КИЧЭЭЛ 3
Адам биле Ева Бурганга дыңнангыр болбаан
Эдем садынга бир ыяш чүге тускай турган? Ева ооң чимизин чүге чипкен?
КИЧЭЭЛ 4
Килең өлүрүүшкүнге чедирген
Авелдиң өргүлүнге Бурган таарзынган, а Каинниң өргүлүнге таарзынмаан. Ол дээш Каин килеңней бергеш, коргунчуг бачыт үүлгедип алган.
КИЧЭЭЛ 5
Ной бажың-хеме тудуп турар
Каржы ангелдерден херээжен улус оолдарлыг апарган. Оларның оолдары улуг шыырак дээрбечилер апарган. Чер кырын күчүлел дола берген. Ынчалза-да Ной өскелерден ылгалып турган. Ол Бурганга ынак болгаш ону дыңнап чораан.
КИЧЭЭЛ 6
Сес кижи суг халавын ажып эрткен
Чаъс 40 дүн-хүн ишти чаап келген. Ной болгаш ооң өг-бүлези бажың-хемеге бир чыл ажыг олурган. Бурган оларга ам-на үнүп болурун чугаалаан.