Olondaka Vioku Fetika Onepa 2
Momo lie Yehova a nenela etande lina lia nyõla oluali luo koloneke viaco? Kefetikilo liulandu womunu, uyaki umue wa fetika. Uyaki waco watiamẽla kueci ciwa kuenda kueci cĩvi. Omanu vamue ndeci, Adama, Eva kuenda omõlavo Kaini va nõla onjila ĩvi. Vakuavo ndeci Abele kuenda Noha, va nõla onjila yiwa. Omanu valua va fetika oku kuata ovituwa ka via sungulukile. Omo liaco, Yehova wa nena enyõleho koluali luaco luolondingaĩvi. Onepa eyi yi ka tu kuatisa oku limbuka okuti, Yehova o lete onjila tu nõla kuenda lalimue eteke a ka ecelela okuti evĩho li yula eci ciwa.
VONEPA EYI
Adama la Eva ka va Pokuile ku Suku
Ocina cipi cilikasi ca kala vuti umue vocumbo Cedene? Momo lie Eva a lila kepako liuti waco?
Onyeño yi Pondola Oku Koka Ovitangi
Suku wa tava ocilumba ca Abele, pole, ka tavele ocilumba ca Kaini. Eci Kaini a ci mola wa tema calua kuenje wa linga ocina cimue ka ca sungulukile.
Ocimbaluku ca Noha
Eci ovangelo va likuela lakãi palo posi, va kuata omãla okuti va pamele calua kuenda va kala ovindululu. Evĩho lia kala kolonepa viosi. Pole, Noha wa litepele lomanu vaco momo wa solele Suku kuenda wa enda oku pokola kokuaye.
Omanu Ecelãlã va Popeliwa Oco va Kale Voluali Lumue ka Muli Olondingaĩvi
Etande liambata 40 kovotanya kuenda 40 kovoteke ombela. Noha kumue lepata liaye va kala vocimbaluku eci ci pitãhala unyamo umosi. Noke, ovo va tunda vocimbaluku.
