SHaaho 2 Erissuwaa
He wode deˈiya alamiyaa xayssida bashshaa haattaa Yihooway ehiidoy aybissee? Asi deˈiyoogaa doommido heeran iitay loˈˈuwaara olettiyo olay denddiis. Addaamee, Hewaana, eta naˈaa Qaayeelinne hara amarida asati iitaara hashetanawu dooridosona. Aabeelanne Nohe mala hara amaridaageeti qassi loˈˈuwaara hashetanawu dooridosona. Daro asay keehi iita gidiyo gishshawu Yihooway he iita alamiyaa xayssiis. Nuuni hashetanawu dooriyoobaa Yihooway beˈiyoogaanne iitabay loˈˈobaa xoonanaadan i mule oottennaagaa nuuni eranaadan ha shaahoy maaddana.
HA SHAAHUWAN
TIMIRTTIYAA 3
Addaameenne Hewaana Xoossawu Azazettibookkona
Edene ataakiltte sohuwan issi mittaa teeraa dumma oottidabay aybee? Hewaana he mittaa teeraappe ayssi maadee?
TIMIRTTIYAA 4
Yiillotidi Woriis
Xoossay Aabeela yarshshuwaa ekkiis; shin Qaayeelaagaa ekkibeenna. Qaayeeli hegaa akeekidi keehi yiillotido gishshawu, iitabaa oottiis.
TIMIRTTIYAA 5
Nohe Markkabiyaa
Iita kiitanchati saˈan maccaasaa ekkidi, yashissiya gita attuma naata yelidosona. Makkalay ubbasan deˈees. SHin Nohe dumma—I Xoossaa siiqeesinne ayyo azazettees.
TIMIRTTIYAA 6
Hosppunati Attidi Ooratta Alamiyan Deˈidosona
Bashshaa Haattay 40 gallassaanne 40 qammaa bukkiis. Noheenne a soo asay muleera markkabiyaa giddon issi layttappe daruwaa takkidosona. Wurssettan, eti kiyidosona.
