Lok me Cako Bute me 3
I nge Pii Aluka, Baibul oloko i kom jo manok keken ma gutiyo pi Jehovah. I kin jo magi onongo tye iye Abraim, ma kilwongo ni larem Jehovah. Pingo kilwonge ni larem Jehovah? Ka in lanyodo, kony latinni me niang ni Jehovah tye ki miti madit i kome dok mito konye. Watwero bedo agonya me penyo pi kony ki bot Jehovah kun walubo lanen pa Abraim ki jo mukene ma gubedo lugen, calo Lot ki Yakobo. Watwero bedo ki gen matek ni Jehovah bicobo cikkene ducu.
I CEKCON MAN
Ot Madit Mabor me Babel
Jo mogo gumoko tamgi me gero ot mabor adada ma wiye gudo wa polo. Pingo Lubanga omiyo gucako loko leb mapatpat atura?
Abraim ki Cara Guwinyo Dog Lubanga
Pingo Abraim ki Cara guweko kwo maber i boma madit ci gubedo ka wot i kabedo mapatpat i lobo Kanaan?
Cara Onywalo Wode!
Lubanga mono onongo bicobo cikkene bot Abraim nining? Wod pa Abraim mene ma cikke man bicobbe i kome—Icaka nyo Icmael?
Wupo i kom Dako pa Lot
Lubanga ocwalo mac ki gweng calfa ocwer i kom Codom and Gomora. Pingo kijwero boma magi? Pingo myero wiwa opo i kom dako pa Lot?
Kitemo Niye pa Abraim
Lubanga owaco bot Abraim ni: ‘Kwany wodi acel keken-ni, ci ityere macalo gitum bota i wi got mo me lobo Moria.’ Abraim tika onongo bicobo tic man ma otemo niyene-ni?
Yakobo Onongo Ginaleya
Icaka ki Labeka gunywalo lutino awobe aryo ma gin rudi, nyinggi Ecau ki Yakobo. Kit ma Ecau obedo latin kayo, en onongo myero onong ginaleya mo ma kite dok pat. Pingo en ocato ginaleyane pi atabo me dek ngor?
Yakobo ki Ecau Guyubo Wat i Kingi
Yakobo onongo mot ki bot malaika nining? Dok en oyubo wat i kin en ki Ecau nining?