Fã 3 ɔ Nya Blimi Munyu
Baiblo ɔ tsɔɔ kaa ngɛ Nyu Kpekpemi ɔ se ɔ, nihi bɔɔ ko pɛ nɛ a sɔmɔ Yehowa. Nimli nɛ ɔmɛ a kpɛti nɔ kake ji Abraham. Yehowa tsɛ Abraham ke e huɛ. Mɛni he je nɛ Yehowa tsɛ lɛ ke e huɛ ɔ? Ke fɔlɔ ji mo ɔ, moo ye bua o bi ɔ konɛ e na kaa Yehowa suɔ lɛ wawɛɛ, nɛ e suɔ kaa e maa ye bua lɛ. Yehowa sɔmɔli komɛ kaa Abraham, Lɔt, kɛ Yakɔb ha nɛ Yehowa ye bua mɛ. Wɔ hu wa ma nyɛ ma bi yemi kɛ buami kɛ je Yehowa ngɔ be fɛɛ be. Wa ma nyɛ ma ná nɔ mi mami kaa Yehowa si womihi tsuo maa ba mi.
NGƐ FA NƐ Ɔ
Babɛl Mɔ ɔ
Ni komɛ pee a juɛmi kaa a maa ma mɔ nɛ e yi mi nɛ ya su hiɔwe. Mɛni he je nɛ Mawu ha nɛ a bɔni gbi slɔɔtoslɔɔtohi tumi ɔ?
Abraham Kɛ Sara Bu Mawu Tue
Mɛni he je nɛ Abraham kɛ Sara je ma ngua mi nɛ a ya kpa Kaanan zugba a nɔ ɔ?
Nyagbenyagbe ɔ, A Fɔ Binyumu!
Mɛni Mawu maa pee konɛ si nɛ e wo Abraham ɔ nɛ ba mi? Abraham bimɛ ɔmɛ a kpɛti mɛnɔ nɛ si womi ɔ kɔɔ e he? Isak aloo Ishmɛl?
Mo Kai Lɔt Yo ɔ
Mawu ha la nɛ kɛ je hiɔwe kɛ pue Sodom kɛ Gomora nɔ. Mɛni he je nɛ Mawu kpata ma nɛ ɔmɛ a hɛ mi ɔ? Mɛni he je nɛ e sa kaa wa kai Lɔt yo ɔ?
A Ka E Hemi Kɛ Yemi ɔ
Mawu de Abraham ke: ‘I kpa mo pɛɛ, moo ngɔ o bi kake too ɔ kɛ ya sã afɔle ha mi ngɛ yoku ko nɔ ngɛ Moria zugba a nɔ.’ Kɛ Abraham maa pee e ní ha kɛɛ ngɛ ka nɛ ɔ he?
Yakɔb Nine Su Jɔɔmi ɔ Nɔ
Isak kɛ Rebeka fɔ hawi, nɛ a wo mɛ ke Esau kɛ Yakɔb. Akɛnɛ Esau ji tɛte he je ɔ, lɛ nɛ e sa kaa e ná jɔɔmi ko nɛ ngɛ slɔɔto. Mɛni he je nɛ e ngɔ e blɔ nya a kɛ tsake niye ní ɔ?
Yakɔb Dla E Kɛ Esau A Kpɛti
Mɛni Yakɔb pee konɛ bɔfo ɔ nɛ jɔɔ lɛ? Mɛni blɔ nɔ Yakɔb gu kɛ dla e kɛ Esau a kpɛti?
