Inleiding tot Deel 3
Die Bybel noem baie min name van mense wat Jehovah in die jare ná die Vloed gedien het. Onder diegene wat hom wel gedien het, was Abraham, wat bekend was as Jehovah se vriend. Hoekom is hy Jehovah se vriend genoem? As jy ’n ouer is, moet jy jou kind help om te sien dat Jehovah in hom belangstel en hom wil help. Soos Abraham en ander getroue manne, soos Lot en Jakob, kan ons Jehovah enige tyd vra om ons te help. Ons kan die vertroue hê dat Jehovah al sy beloftes sal nakom.
IN HIERDIE GEDEELTE
LES 7
Die toring van Babel
Party mense het besluit om ’n stad te bou en ’n toring met ’n punt wat tot by die hemel kom. Hoekom het God hulle skielik verskillende tale laat praat?
LES 8
Abraham en Sara was gehoorsaam aan God
Hoekom het Abraham en Sara hulle lewe in die stad prysgegee om in die land Kanaän rond te trek?
LES 9
Uiteindelik ’n seun!
Hoe sou God sy belofte aan Abraham nakom? Watter een van Abraham se seuns sou betrokke wees—Isak of Ismael?
LES 10
Dink aan Lot se vrou
God het vuur en swael op Sodom en Gomorra laat reën. Hoekom is hierdie stede vernietig? Hoekom moet ons aan Lot se vrou dink?
LES 11
’n Toets van geloof
God het vir Abraham gesê: ‘Neem asseblief jou enigste seun en bied hom as ’n offerande op ’n berg in Moria aan.’ Hoe sou Abraham hierdie toets van geloof hanteer?
LES 12
Jakob het die erfenis gekry
Isak en Rebekka het tweelingseuns gehad wat Esau en Jakob genoem is. Omdat Esau eerste gebore is, moes hy ’n spesiale erfenis ontvang. Hoekom het hy dit vir ’n bord kos verruil?
LES 13
Jakob en Esau maak vrede
Hoe het Jakob ’n seën van ’n engel ontvang? En hoe het hy vrede met Esau gemaak?
