Introduksiyon sa Seksiyon 3
Sa suminunod na mga taon pakatapos kan Baha, kakadikit sana kan mga tawong sinambit sa Bibliya na naglingkod ki Jehova. Si Abraham an saro sa sainda, na namidbid bilang amigo ni Jehova. Taano ta inapod siyang amigo ni Jehova? Kun saro kang magurang, tabangan an saimong aki na mahiling na nagmamalasakit saiya si Jehova tapos gusto Niyang tabangan siya. Arog kan maimbod na mga tawong si Abraham, Lot, asin Jacob, puwedeng-puwede man kitang humagad nin tabang ki Jehova. Makakapagtiwala kita na gigibuhon ni Jehova an gabos niyang ipinangako.
SA SEKSIYON NA INI
LEKSIYON 7
An Tore nin Babel
May mga tawo na gustong magtugdok nin sarong siyudad asin sarong tore na an tuktok abot sa langit. Taano ta bigla sindang pinataram nin Diyos nin iba-ibang lengguwahe?
LEKSIYON 8
Nagsunod sa Diyos si Abraham Asin Sara
Taano ta binayaan ni Abraham asin Sara an saindang buhay sa siyudad para magpaburubalyo nin istaran sa daga nin Canaan?
LEKSIYON 9
Nagkaaki Man Giraray!
Paano uutubon nin Diyos an pangako niya ki Abraham? Kiisay na aki ni Abraham mauutob an pangako—ki Isaac o ki Ismael?
LEKSIYON 10
Girumdumon an Agom ni Lot
Pinauranan nin Diyos an Sodoma asin Gomora nin kalayo asin asupre. Taano ta pinara an mga siyudad na idto? Taano ta dapat tang girumdumon an agom ni Lot?
LEKSIYON 11
Sarong Pagbalo sa Pagtubod
Sinabi nin Diyos ki Abraham: ‘Daraha tabi an kasaro-sarui mong aki asin iatang mo siya sako sa sarong bukid duman sa Moria.’ Paano aatubangon ni Abraham an pagbalong ini sa saiyang pagtubod?
LEKSIYON 12
Ki Jacob Napaduman an Mana
Si Isaac asin Rebeca igwang kambal na aking lalaki—si Esau asin Jacob. Dahil si Esau an matua, saiya kuta mapapaduman an sarong espesyal na pamana. Taano ta ipinanao niya iyan karibay nin sarong mangko nin linága?
LEKSIYON 13
Si Jacob Asin si Esau Nakipagkatuninungan sa Kada Saro
Paano si Jacob nag-ako nin bendisyon hali sa sarong anghel? Paano siya nakipagkatuninungan ki Esau?
