Atata’a ya ngabe 3
Kalate Zambe a kobô ajô bôte béziñ be nga bo Yéhôva ésaé éyoñe ndône mendim é maneya. Bi ne lañ Abraham, nnye kalate Zambe a loone na mvôé Zambe. Jé é nga bo na a bo mvôé Zambe? Nge ô ne mbiaé, volô’ô mone wôé a yeme na, Yéhôva a nyoñe nye ngap, a na, a kômbô volô nye. Aval ane Abraham a bezôsô be bôte bevo’o bese, ane Lot a Jacob, bi ne sili Yéhôva mvolan teke ko woñ. Bi ne tabe ndi na, Yéhôva a ye tôé bengaka’a bé bese.
NGABE NYI
ÑYE’ELAN 7
Nkume ya Babel
Bôte béziñ be nga tyi’i na ba zu lôñe tison a beta nkume nda. Amu jé Yéhôva a nga bo na, be taté na ba kobô abui minkobô atemetem?
ÑYE’ELAN 8
Abraham ba Sara be nga bo Zambe mewôk
Amu jé Abraham ba Sara be nga li’i nda jap Our na ba ke nyiñ ane mintabe e si ya Canaan?
ÑYE’ELAN 9
Be biaéya mon!
Aval avé Yéhôva a nga ye tôé ngaka’a a nga bo Abraham? Ngaka’a te é nga ye tôéban a zene ya mone mbé?—Ye Isaac, ye Ismaël?
ÑYE’ELAN 10
Simesa’ane jam é nga kui minga Lot
Zambe a nga bo na nduan a soufre be noñ e Sodome a Gomorrhe. Amu jé Zambe a nga tyame betisone bete? Amu jé bia yiane simesane jam é nga kui minga Lot?
ÑYE’ELAN 11
Mbunane wé wo tebe meve’ele été
Zambe a nga jô Abraham na: ‘Nyoñe atyi’i mone dôé, ô ve ma nye metuna’a nkôle Morija.’ Aval avé Abraham a nga dañe meve’ele mete?
ÑYE’ELAN 12
Jacob a nyoñ éto ntôl
Isaac ba Rebecca be nga biaé mimbias, biyôlé biap bi mbe Ésaü a Jacob. Mbôl Ésaü nnye a nga taté bialé, nnye a mbe a yian éto ntôl. Amu jé a nga fol éto ntôle jé a ésua bidi?
ÑYE’ELAN 13
Jacob ba Ésaü ba late ngbwa
Amu jé éngele a nga botane Jacob? A aval avé a nga late ngbwa a Ésaü?