Introduksiyon sa Seksiyon 3
Sa mga tuig human sa Lunop, pipila ra ka tawo ang gihisgotan sa Bibliya nga nag-alagad kang Jehova. Usa kanila mao si Abraham, nga nailhang amigo ni Jehova. Nganong amigo siya ni Jehova? Kon ginikanan ka, tabangi ang imong anak aron iyang masabtan nga si Jehova interesado ug gustong motabang niya. Sama ni Abraham ug sa buotang mga alagad sa Diyos, pareho ni Lot ug Jacob, puwede tang mangayog tabang kang Jehova. Segurado tang tumanon ni Jehova ang tanan niyang saad.
NIINI NGA SEKSIYON
LEKSIYON 7
Torre sa Babel
Ang ubang tawo nagkasabot nga magtukod ug siyudad ug torre nga moabot sa langit. Nganong giusab ni Jehova ang sinultihan sa mga tawo?
LEKSIYON 8
Si Abraham ug Sara Misunod sa Diyos
Nganong gibiyaan ni Abraham ug Sara ang ilang balay sa siyudad sa Ur ug mipuyog tolda didto sa Canaan?
LEKSIYON 9
May Anak na Sila!
Unsaon pagtuman sa Diyos ang iyang saad kang Abraham? Kang kinsa ni matuman—kang Isaac o kang Ismael?
LEKSIYON 10
Hinumdomi ang Asawa ni Lot
Gipaulanan sa Diyos ug kalayo ug asupre ang Sodoma ug Gomora. Nganong gilaglag ang maong mga siyudad? Nganong kinahanglan natong hinumdoman ang asawa ni Lot?
LEKSIYON 11
Gisulayan ang Pagtuo
Giingnan ni Jehova si Abraham: ‘Palihog dad-a imong anak didto sa bukid sa Moria ug ihalad.’ Unsay himoon ni Abraham niini nga pagsulay sa iyang pagtuo?
LEKSIYON 12
Si Jacob ang Nakadawat sa Panulondon
Kaluha ang anak ni Isaac ug Rebeca. Si Esau ug Jacob. Si Esau ang magulang, ug siya unta ang makadawat sa espesyal nga panulondon. Pero nganong iya man ning gibaylo sa usa ka yahong nga sabaw?
LEKSIYON 13
Maayo nag Relasyon si Jacob ug Esau
Sa unsang paagi si Jacob nakadawat ug panalangin gikan sa usa ka anghel? Ug unsay iyang gihimo aron magkauli sila ni Esau?
