I tejchibal jiñi sección 3
Jiñi Biblia mach cabʌl miʼ taj ti tʼan tsaʼ bʌ i melbeyob i yeʼtel (troñel) Jehová cheʼ bʌ tsaʼix ñumi jiñi Butʼjaʼ. Abraham tsaʼ cʌjñi bajcheʼ i yamigo Dios. Mi caj laj cʌn chucoch cheʼ tsaʼ cʌjñi bajcheʼ jiñi. Mi an a walobilob, coltan i qʼuelob chaʼan Jehová i wentajobʌch ti jujuntiquil yicʼot chaʼan yomʌch i coltañob. Cheʼ bajcheʼ Abraham yicʼot yambʌ xucʼul bʌ i wiñicob Dios, bajcheʼ Lot yicʼot Jacob, mach lac bʌcʼñan laj cʼajtiben i coltaya Jehová come mi lac ñop chaʼan mi caj i tsʼʌctesan i tʼan.
TI ILI SECCIÓN
CΛNTESΛNTEL 7
Chan bʌ Qʼueloñib ti Babel
Jiñi quixtañujob tsiʼ ñopo i melob jumpʼejl tejclum yicʼot chan bʌ qʼueloñib muʼ bʌ i cʼotel cʼʌlʌl ti panchan. ¿Chucoch Jehová tsiʼ yʌmbeyob i tʼan?
CΛNTESΛNTEL 8
Abraham yicʼot Sara miʼ jacʼbeñob i tʼan Dios
¿Chucoch Abraham yicʼot Sara tsiʼ cʌyʌyob jiñi tejclum chaʼan miʼ chumtʌlob ñumel yaʼ ti Canaán?
CΛNTESΛNTEL 9
¡Añobix juntiquil i yalobil!
¿Bajcheʼ mi caj i tsʼʌctesan Jehová jiñi tʼan tsaʼ bʌ i sube Abraham? ¿Tiʼ tojlel Isaac o Ismael?
CΛNTESΛNTEL 10
Cʼajtesan i yijñam Lot
Dios tsaʼ yʌcʼʌ ti jubel cʼajc yicʼot azufre yaʼ ti Sodoma yicʼot Gomorra. ¿Chucoch tsiʼ jisa jiñi tejclum tac? ¿Chucoch yom mi laj cʼajtesan i yijñam Lot?
CΛNTESΛNTEL 11
Miʼ qʼuejlel mi ñopol i chaʼan Dios
Dios miʼ suben Abraham: «Aqʼueñon jiñi cojach bʌ a walobil bajcheʼ pulbil bʌ c majtan yaʼ ti wits Moria». ¿Bajcheʼ mi caj i tsʼʌctesan Abraham ili i ñopbentel i chʼujbiya?
CΛNTESΛNTEL 12
Jacob miʼ chʼʌm jiñi herencia
Isaac yicʼot Rebeca tsiʼ yilayob pañimil loj bʌ i yalobilob, i cʼabaʼob jiñʌch Esaú yicʼot Jacob. Esaú colel i chʼʌm jumpʼejl ñuc bʌ herencia especial come jiñʌch tsiʼ ñaxan ila pañimil. ¿Chucoch tsiʼ qʼuexta yicʼot jumpʼejl plato bʌlñʌcʼʌl?
CΛNTESΛNTEL 13
Jacob yicʼot Esaú miʼ yutsʼañob
¿Chuqui tsiʼ mele Jacob chaʼan miʼ yʌqʼuentel bendición ti juntiquil ángel? ¿Bajcheʼ tsiʼ yutsʼesa i bʌ yicʼot Esaú?
