Tilanyɔrɔ 3nan dadonkumaw
Bibulu be mɔgɔ damanin dɔrɔn tɔgɔw fɔ minw ye baara kɛ Jehova ye sanjiba tɛmɛnin kɔ. U la dɔ ye Ibrayima ye, min weelela ko Jehova tericɛ. Mun na a weelela ko Jehova tericɛ? N’i ye bangebaga ye, i deen dɛmɛ a k’a faamu ko Jehova b’a janto a la ani ko a b’a fɛ k’a dɛmɛ. I n’a fɔ Ibrayima, Lɔti, Yakuba ani mɔgɔ wɛrɛw, an be se ka dɛmɛ ɲini Jehova fɛ hali an tɛ sigasiga. An be se ka la a la ko Jehova ye layidu minw ta, a bena u bɛɛ dafa.
YƆRƆ NIN NA
KALANSEN 7
Babɛli sangaso
Mɔgɔ dɔw y’a latigɛ ka dugu dɔ lɔ ani ka sangaso dɔ lɔ min janya be se fɔɔ sankolo la. Mun na Ala barila k’u ka kaanw ɲagami?
KALANSEN 8
Ibrayima ni Sara ye mɛnni kɛ Ala fɛ
Mun na Ibrayima ni Sara bɔra Uri dugu la ka to ka taga yaalayaala Kanaan jamana na?
KALANSEN 9
Sisan kɔni, dencɛ sɔrɔla!
Ala tun bena a ka layidu dafa cogo di Ibrayima ye? A tun bena o kɛ Ibrayima dencɛ juman lo sababu fɛ? Isiyaka wa Isimayɛli?
KALANSEN 10
I hakili to Lɔti muso ka koo la
Ala y’a kɛ tasuma ni kiribi bɔra sankolo la ka jigi Sodɔmu ni Gɔmɔri kan. Mun na o duguw halakira? Mun na an ka kan k’an hakili to Lɔti muso ka koo la?
KALANSEN 11
A ka limaniya kɔrɔbɔra
Ala y’a fɔ Ibrayima ye ko: ‘Sabari k’i dencɛ kelenpe minɛ k’a kɛ saraka ye kulu dɔ kan Moriya mara la.’ O tun ye kɔrɔbɔli ye. Ibrayima tun bena mun lo kɛ?
KALANSEN 12
Yakuba lo ye cɛɛn ta
Filaninw tun be Isiyaka ni Erebɛka fɛ: Ezawu ni Yakuba. Komi Ezawu lo tun ye kɔrɔ ye, ale lo tun ka kan ka cɛɛn kɛrɛnkɛrɛnnin dɔ sɔrɔ. Mun na a y’o falen ni dumuni tasa kelen ye?
KALANSEN 13
Yakuba ni Ezawu ye bɛɛn sigi
Yakuba ye mun lo kɛ walisa mɛlɛkɛ k’a duga? Yakuba ye bɛɛn sigi cogo di ni Ezawu ye?
