Se Ẹdinemede ke Ikpehe 3
Nte ini akakade ke Ukwọ Noah ama ekebe, ibat ibat owo ẹkenam n̄kpọ Jehovah. Bible asiak enyịn̄ mmọ. Ete kiet emi ekekerede Abraham ama etiene anam n̄kpọ Jehovah; ẹkesikot enye ufan Abasi. Ntak emi ẹkesikotde enye ntre? Edieke enyenede eyen, nam enye okụt ke Jehovah enen̄ede ama onyụn̄ oyom ndin̄wam enye. Imekeme ndiben̄e Jehovah ite an̄wam nnyịn ukem nte Abraham ye mme asan̄autom Abasi eken nte Lot ye Jacob ẹkesinamde. Tutu amama, Jehovah iditreke ndinam se enye ọn̄wọn̄ọde.
KE IKPEHE EMI
UKPEPN̄KPỌ 7
Tọwa Babel
Mme owo ẹma ẹsiak obio ẹnyụn̄ ẹbọp tọwa emi edikon̄de ikesịm heaven. Ntak emi Abasi akanamde mme owo ẹtọn̄ọ ndisem nsio nsio usem?
UKPEPN̄KPỌ 8
Abraham ye Sarah Ẹma Ẹkop Uyo Abasi
Nso ikanam Abraham ye Sarah ẹkpọn̄ ufọk mmọ ke ediye obio ẹkedi odudụn̄ ke Canaan?
UKPEPN̄KPỌ 9
Sarah Aman Eyen Ndien!
Didie ke Abasi edinam se enye ọkọn̄wọn̄ọde ọnọ Abraham? Ewe eyen Abraham ke enye edida inam emi? Ndi Isaac m̀mê Ishmael?
UKPEPN̄KPỌ 10
Ẹti N̄wan Lot
Abasi ama anam sulfur ye ikan̄ ẹdep ẹta Sodom ye Gomorrah. Ntak emi ẹkesobode mme obio oro? Ntak emi ikpetide n̄wan Lot?
UKPEPN̄KPỌ 11
Abasi Odomo Abraham Ese
Abasi ọkọdọhọ Abraham ete: ‘Mbọk, men n̄kukụre eyen fo emi ka kawa nọ mi ke obot kiet emi odude ke Moriah.’ Abraham edinanam didie utọ n̄kpọ emi?
UKPEPN̄KPỌ 12
Jacob Ọbọ N̄kpọ-Akpa
Isaac ye Rebekah ẹma ẹnyene amanamba emi ẹkekerede Esau ye Jacob. Sia Esau ekedide akpan, akpakana enye ọbọ ata san̄asan̄a n̄kpọ-akpa. Ntak emi enye akayakde utọ n̄kpọ oro atak enye ke ntak usan udia kiet kpọt?
UKPEPN̄KPỌ 13
Jacob ye Esau Ẹnam Emem
Nso ke Jacob akanam man angel ọdiọn̄ enye? Enye akasan̄a didie anam emem ye Esau?
