Kabwarabwaraani Mwakoro 3
N ririki ake imwin te Ieka, a taekinaki araia tabeman n te Baibara aika a toro iroun Iehova. Temanna i buakoia naakai bon Aberaam, are e ataaki bwa raoraon Iehova. E aera ngkai e aranaki bwa raoraon Iehova? Ngkana te karo ngkoe, buoka natim bwa e na ataia ae e tabeakinna naba Iehova ao e kani buokia. Ti kona ni bubutii naba buokara mairoun Iehova n taai ake ti bon taku n aron Aberaam ao tabeman riki aika kakaonimaki, n aroia Rota ao Iakoba. Ti kona ni kakoauaa ae e na boni kakoroi bukin ana berita Iehova ake e taekin.
N TE MWAKORO AEI
REIREI 7
Te Taua Are i Babera
A iangoia aomata tabeman bwa a na katea te kaawa ma te taua ae rota karawa taubukina. E aera ngke e waekoa te Atua ni bita aia taetae nakon taetae aika kakaokoro?
REIREI 8
A Ongeaba Iroun te Atua Aberaam ma Tara
E aera bwa a kitana mwengaia Aberaam ma Tara n te kaawa teuana ao a riki bwa taan tiotionako n te aba ae Kanaan?
REIREI 9
E a Reke Natiia te Mwaane!
E na kangaa te Atua ni kakoroa bukin ana berita nakon Aberaam? Antai irouia natin Aberaam ae e irekereke iai—Itaaka ke Itimaera?
REIREI 10
Uringa Buun Rota
E kabwakaa te Atua te karau ae te burimton ao te ai i aon Totom ma Komora. E aera bwa a kamaunaaki kaawa aikai? E aera bwa ti riai n uringa buun Rota?
REIREI 11
Tuoan te Onimaki
E taku te Atua nakon Aberaam: ‘Taiaoka kaira natim ae am rikitemanna ao aanga bwa te karea i aon te maunga teuana n te aba ae Moria.’ E kangaa Aberaam n tokanikai n tuoan ana onimaki?
REIREI 12
E Karekea te Tibwanga Iakoba
Iai natiia mwaane aika bwebwee Itaaka ma Rebeka aika Etau ma Iakoba. Ibukina bwa te karimoa Etau, e na reke irouna te tibwanga ae okoro. E aera ngke e anganako tibwangana ibukin te boora n tuubu?
REIREI 13
A Karekea te Raoi Iakoba ma Etau
E kangaa Iakoba ni karekea te kakabwaia mairoun te anera? Ao e kangaa ni karekea te raoi ma Etau?